web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet seanca për Metën/ Avokati Cakrani: Do të fillojmë betejën për të larguar Irena Gjokën nga procesi

28 Tetor 2025, 10:05, Aktualitet CNA

Shtyhet seanca për Metën/ Avokati Cakrani: Do të fillojmë

Seanca paraprake për ish-presidentin Ilir Meta në GJKKO është shtyrë për në datën 11 nëntor. Kujtim Cakrani, avokati i Metës, ka folur për gazetarët pas këtij vendimi, ku tha se do të kërkojnë largimin e gjyqtares Irena Gjoka nga procesi. Ai tha se gjyqtarja është e kapur politikisht edhe juridikisht, ndërsa e akuzoi se ka komprometuar procesin që në fillim.

"Ne tani do të fillojmë betejën me gjyqtaren. Ka marrë një vendim tjetër të rrezikshëm, ka pezulluar afatet e paraburgimit për zotin Meta. Zonja Gjoka nuk është gjyqtare e aftë, por është edhe e kapur politikisht edhe juridikisht. Do të vazhdojmë betejën për largimin e kësaj gjyqtareje. Ka komprometuar që në seancën e parë në gjithë këtë proces.

Ka patur letër porosi në SHBA, vazhdon për çështjen e lobimit. GSIS kishte marrë një pagesë nga një biznesmen që nuk ka as firmë as vulë nga Meta. Ne nuk na shqetëson letërporosia si provë. Ne na shqetëson fakti që organi i procedurës ka përfunduar hetimet, por vazhdojnë kryhen hetime sot në seancë paraprake. Unë do të flas me zotin Meta dhe do të mbajmë qëndrimin tonë sa i përket gjyqtares. Nuk mund të vazhdojmë këtë proces me atë gjyqtare. Unë jam aty dhe ajo pezullon hetimet. Ajo vetë është në shantazh. Ka mashtruar opinion publik dhe drejtësinë", tha Cakrani.

Shkak i shtyrjes së seancës së sotme është bërë mungesa e avokatit të ish-deputetes, Monika Kryemadhi, një nga të pandehurat e dosjes. Në seancën e sotme pritej të vendosej nëse dosja do të kalonte për gjykim apo jo. Meta dhe Kryemadhi akuzohen për korrupsion pasiv, pastrim parash dhe mosdeklarim pasurie. /CNA





Lajmet e fundit nga