web counter
LEXO PA REKLAMA!

SHKARKO APP

App Store
Google Play

E fundit!

x

Vodhën 4.7 milionë euro përmes Call Center-it/ GJKKO dënon me 170 vite burg 16 persona

28 Tetor 2025, 17:27, Aktualitet CNA

Vodhën 4.7 milionë euro përmes Call Center-it/ GJKKO dënon

Gjykata e Posaçme ka dënuar 16 persona të akuzuar nga SPAK për “Mashtrim kompjuterik”, kryer në formën e grupit të strukturuar kriminal, si dhe për “Grup të strukturuar kriminal”.

Gjykimi u zhvillua me procedurë të shkurtuar, ndërsa trupi gjykues i përbërë nga gjyqtarët Flojera Davidhi, Irena Gjoka dhe Erjon Bani, shpalli vendimin nr. 66, datë 27 tetor 2025.

Të pandehurit Bruno Çobo, Elisa Çaçi (Caci), Gilbert Palushani, Aldo Pasku, Bruno Gjika, Rezarta Ibrahimi (Çaçi), Valbona Abedinaj, Erion Kastrati, Orland Cani, Florjan Bregu, Hamit Dobi, Greta Gjoci (Pepa), Gjin Shelnishta, Antoneta Malo (Pepkolaj), Silvana Veliu dhe Mojsi Zuna mashtronin shtetasit italianë përmes Call Centerit dhe akuzohen se u kanë shkaktuar dëm me vlerë 4.7 milionë euro.

Bruno Çobo u dënua me 8 vite burg, Elisa Çaçi (Caci) dhe Gilbert Palushani u dënuan secili me 7 vite e 4 muaj burg,  Aldo Pasku, Bruno Gjika, Rezarta Ibrahimi (Çaçi), Valbona Abedinaj, Erion Kastrati, Orland Cani, Florjan Bregu, Hamit Dobi, Greta Gjoci (Pepa), Gjin Shelnishta, Antoneta Malo (Pepkolaj), Silvana Veliu dhe Mojsi Zuna morën dënime nga 6 vite e 8 muaj-në 7 vite e 4 muaj burgim.

Dënimet janë dhënë sipas rolit që këta persona kishin në grupin kriminal./CNA

 

 

 

 

 

 

 

 





Lajmet e fundit nga