web counter
LEXO PA REKLAMA!

SHKARKO APP

App Store
Google Play

E fundit!

x

6 të pandehurit për korrupsion/ Si përfitonin deri në 7 500 euro për të ndryshuar masat e sigurisë

28 Tetor 2025, 15:37, Aktualitet CNA

6 të pandehurit për korrupsion/ Si përfitonin deri në 7 500

Prokuroria e Posaçme mbylli hetimet dhe dërgoi për gjykim 6 persona të akuzuar për ushtrim ndikimi të paligjshëm ndaj personave me funksione publike.

Në njoftimin e bërë nga SPAK-u janë zbardhur detaje se si funksiononte kjo veprimtari kriminale.

SPAK bën me dije se përgjatë vitit 2020 kanë përfituar shuma monetare nga 4 mijë deri në 7500 euro, duke pretenduar se mund të ndikonin në ndryshimin e masave të sigurisë.

Njëri nga të pandehurit, Erjon Dani, në vitin 2020 ka qenë me detyrë shef krimesh në Komisariatin numër 3 dhe ka shpërndarë te persona të tjerë të dhënat e TIMS.

 

“Nga hetimet e kryera ka rezultuar se gjatë vitit 2020, të pandehurit janë përfshirë në tre episode të veçanta, ku kanë kërkuar dhe përfituar shuma monetare që varionin nga 4 000 deri në 7 500 euro, me pretendimin se kishin aftësinë për të ushtruar ndikim të paligjshëm ndaj funksionarëve të drejtësisë, me qëllim ndikimin në masa sigurimi personal dhe favorizim në dhënie dënimi  ndaj disa të arrestuarve.

Gjithashtu, është provuar se i pandehuri Erjon Dani, në kohën e ngjarjeve me detyrë zëvendësshef komisariati dhe shef për krimet në Komisariatin Nr. 3 Tiranë, ka shpërdoruar detyrën duke shpërndarë tek persona të tretë të dhëna të siguruara nga sistemi TIMS”, njofton SPAK-u./CNA





Lajmet e fundit nga