E fundit!

11:42 Aktualitet

“Historitë e mesazheve i di ajo”/ Përplasje e fortë mes Metës dhe Kryemadhit në gjyq: Mos u merr me llafe grash

Debate të ashpra kanë ndodhur në sallën e gjyqit me kreut ...

Zyra e Komisionerit, tryezë me Shoqatën e Siguruesve të Shqipërisë: Bashkëpunim për zbatimin e ligjit të ri për mbrojtjen e të dhënave personale

29 Tetor 2025, 11:40, Aktualitet CNA

Zyra e Komisionerit, tryezë me Shoqatën e Siguruesve të

Zyra e Komisionerit për të Drejtën e Informimit dhe Mbrojtjen e të Dhënave Personale zhvilloi një tryezë pune me Shoqatën e Siguruesve të Shqipërisë dhe drejtues të kompanive të sigurimeve.

Fokusi i kësaj tryeze kishte në fokus zbatimin në praktikë të ligjit të ri nr. 124/2024 “Për mbrojtjen e të dhënave personale”.

Në fjalën e tij, Komisioneri Besnik Dervishi vlerësoi rolin e sektorit të sigurimeve si një ndër sektorët kryesorë në përpunimin e të dhënave personale.

Dervishi u bëri apel përfaqësuesve të kompanive të sigurimit që ta shohin Zyrën e Komisionerit si partner në këtë proces dhe të marrin të gjitha masat e nevojshme për zbatimin e ligjit.

Dervishi garantoi se Zyra do t’i mbështesë me trajnime, orientime dhe udhëzime praktike për përputhshmërinë me standardet e reja.

Sipas Dervishit, Zyra e Komisionerit ka monitoruar ndër vite mënyrën e përpunimit të të dhënave në sektorin e sigurimeve dhe ka dhënë rekomandime konkrete për përmirësimin e masave të sigurisë së informacionit dhe të transparencës ndaj qytetarëve.

Zyra e Komisionerit, tryezë me Shoqatën e Siguruesve të

Kryetari i Asamblesë së Anëtarëve të Shoqatës së Siguruesve të Shqipërisë, Xhevdet Kopani, përgëzoi në emër të shoqërive Zyrën e Komisionerit për nismën dhe nënvizoi angazhimin e kompanive të sigurimeve për përputhjen me ligjin e ri.

“Kompanitë kanë ndërmarrë hapa të rëndësishëm për të garantuar zbatimin e ligjit, përfshirë rishikimin e politikave të privatësisë, përditësimin e dokumenteve të brendshme dhe do të vijojmë me ndjekjen e programeve për trajnimin e stafit”,-tha Kopani.

Në vijim të tryezës u prezantuan edhe risitë kryesore të ligjit të ri, duke theksuar ndryshimet në detyrimet e kontrolluesve dhe përpunuesve, transparencën ndaj subjekteve të të dhënave dhe rolin e Nëpunësit për Mbrojtjen e të Dhënave (DPO).

Nga pjesëmarrësit u diskutua hartimi i dokumenteve të unifikuara për sektorin deri në një Kod Sjellje për shoqëritë e sigurimit.

Zyra e Komisionerit garantoi se do të vijojë organizimin e tryezave të ngjashme me sektorë të tjerë të rëndësishëm./CNA