web counter
LEXO PA REKLAMA!

SHKARKO APP

App Store
Google Play

E fundit!

x

Balluku prezanton drejtorin e ri të Postës Shqiptare: Do të optimizohet procesi i shërbimeve postare

30 Tetor 2025, 09:54, Aktualitet CNA

Balluku prezanton drejtorin e ri të Postës Shqiptare: Do të

Zëvendëskryeministrja e vendit, dhe njëkohësisht ministrja e Energjisë dhe Infrastrukturës, ka prezantuar drejtorin e ri të Postës Shqiptare, Etjen Xhafajn.

Balluku u shpreh se Xhafaj, i cili ka mbajtur disa poste në administratë dhe ka mbajtur një mandat si deputet, është një profesionist i sprovuar në fusha të lidhura me postën.

Ajo shprehu vlerësime edhe për ish-drejtorin e Postës. Ministrja tha se me Xhafajn në krye të Postës Shqiptare do të optimizohet procesi i shërbimeve postare dhe procesi i shërbimeve financiare.

"Drejtori i ri i Përgjithshëm i Postës do të jetë, duke nisur që sot, me vendimin e djeshëm të bordit, i cili u bë i ditur dhe na prishi këtë surprizën sot, Etjen Xhafaj. Etjen Xhafaj është një bashkëpunëtor i hershëm i imi. Kemi punuar bashkë në disa pozicione, pasi Etjeni ka një karrierë të gjatë te Ministria e Ekonomisë, e Financave, më pas zëvendësministër i Jashtëm, zëvendësministër i Energjisë, deri në 2021, kur iu përkushtua politikës, si deputet i Qarkut të Tiranës. Sot drejtimi i postës shkon në duart e një profesionisti të sprovuar, i cili ka një eksperiencë të gjatë në disa fusha që lidhen ngushtësisht me Postën Shqiptare. Besoj do të optimizohet procesi i shërbimeve postare, por mbi të gjitha procesi i shërbimeve financiare", u shpreh Balluku. /CNA





Lajmet e fundit nga