web counter
LEXO PA REKLAMA!

SHKARKO APP

App Store
Google Play

E fundit!

x

Raportimi në Kuvend/ Bogdani tregon mendimin e KLP-së për draftin e Kodit të ri Penal

30 Tetor 2025, 13:12, Aktualitet CNA

Raportimi në Kuvend/ Bogdani tregon mendimin e KLP-së për draftin

Kryetarja e Këshillit të Lartë të Prokurorisë, Mirela Bogdani, po vijon me përgjigjen e pyetjeve të deputetëve në Kuvend. Një nga çështjet për të cilat është pyetur ishte dhe drafti i Kodit të ri Penal.

Bogdani tha se KLP e ka diskutuar këtë çështje, por nuk ka hyrë në detaje teknike për shkak të mungesës së kohës. Ajo u shpreh se sapo të përfundojë me detyrat e caktuara lidhur me integrimin europian do të ngrihet një grup pune për të analizuar Kodin e ri Penal.

"Konsultimi publik ende nuk ka filluar. Në datën 5 është seanca e parë. Është një akt shumë voluminoz me 900 e ca nene. Këshilli e ka diskutuar këtë çështje, duke qenë se nuk kemi pasur kohën e nevojshme për të hyrë në detaje teknike, kemi vendosur që sapo të mbarojmë detyrat e shtëpisë lidhur me integrimin europian, do të krijohet një grup pune. Do të bëjë një oponencë të specializuar lidhur me dispozita të veçanta të Kodit. KLP nuk ka dashur të japë një përgjigje për cilësinë e Kodit. Kërkohet një angazhim shumë më i madh i KLP për koordnimin e burimeve njerëzore dhe gjetjen e specialisteve sipas fushave të Kodit Penal, sepse ka një sërë kapitujsh që kërkojnë adresim teknik. Dhe më pas do të kemi një produkt teknik me të cilin do të mund të vlerësohet Kodi ose drafti", tha Bogdani. /CNA





Lajmet e fundit nga