E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Kryetarja e KLP-së raporton në Kuvend: Sfidë madhore vakancat në sistemin e Prokurorisë

30 Tetor 2025, 12:47, Aktualitet CNA

Kryetarja e KLP-së raporton në Kuvend: Sfidë madhore vakancat

Kryetarja e Këshillit të Lartë të Prokurorisë, Mirela Bogdani, po raporton në Kuvend për veprimtarinë e institucionit për vitin 2024.

Bogdani është shprehur se janë përfunduar 46 raporte vlerësimi etik dhe profesional të prokurorëve. Gjithashtu, ajo tha se janë verifikuar 23 kandidatë që kanë ndjekur formimin fillestar te shkolla e Magjistraturës, proces të cilin e cilësoi si vetingu i hyrjes.

Bogdani bëri me dije se vijojnë të mbeten sfida madhore vakancat në sistemin e prokurorisë. Ajo u shpreh se për vitin 2024 ishin 218 prokurorë, ndërsa aktualisht janë 284.

"Kemi përfunduar 46 raporte vlerësimi etik dhe profesional të prokurorëve. Ka qenë një impenjim maksimal i të gjithë KLP dhe prokurorëve të komanduar pranë tij të cilët bëjnë punën paraprake. Këshilli ka vijuar procesin e verifikimit për 25 kandidatë që kanë ndjekur formimin fillestar te Magjistratura, ndryshe vetingu i hyrjes. Kemi verifikuar 23 prej tyre. Lidhur me vakancat në sistemin e prokurorisë, ka qenë një sfide madhore për shkak të efektit dhe pasojave të procesit të rivlerësimit kalimtar të gjyqtarëve dhe prokurorëve. Këshilli ka marrë masa të garantojë funksionalitetin e institucioneve. 218 prokurorë për vitin 2024. Aktualisht kemi 284 prokurorë. 57 vakanca të përhershme dhe 39 vakanca të përkohshme. Janë zhvilluar 3 procedura disiplinore, për dy raste është rrëzuar kërkesa e ILD-së, në tjetrën është vendosur një tjetër masë disiplinore nga ajo që është kërkuar. Që nga viti 2024 të gjitha vendimet e KLP-së janë të arsyetuara. Mbledhjet janë zhvilluar në praninë e mediave", tha Bogdani ndër të tjera. /CNA