web counter
LEXO PA REKLAMA!

SHKARKO APP

App Store
Google Play

E fundit!

x

Gjykata Kushtetuese shqyrton sot ankimin e Erion Veliajt

31 Tetor 2025, 07:19, Aktualitet CNA

Gjykata Kushtetuese shqyrton sot ankimin e Erion Veliajt

Sot, Gjykata Kushtetuese do të shqyrtojë ankesën e ish-kryebashkiakut të arrestuar me 13 akuza dhe 5 vepra të rënda penale, Erion Veliaj, i cili ka kërkuar pezullimin e dekretit të Presidentit Bajram Begaj për datën e zgjedhjeve në Tiranë. Seanca në Gjykatën Kushtetuese do të nisë në orën 10:00 dhe do të jetë publike. 

Kujtojmë se, Gjykata Kushtetuese nuk ka rrëzuar asnjë nga aktet që shkarkojnë Erion Veliajn, thjesht ka pezulluar përkohësisht dekretin e presidentit për datën e zgjedhjeve derisa të marrë një vendim.

Gjykata Kushtetuese ka pezulluar datën e zgjedhjeve dhe vendimin e dekretit të Presidentit derisa të shprehet për ankesën e Erionit.

Vetë ish-kryebashkiaku Veliaj ka kërkuar që të jetë i pranishëm në seancë, ndërsa Gjykata Kushtetuese ka njoftuar Drejtorinë e Burgjeve dhe SPAK-un për të marrë masa për shoqërimin e tij.

Kujtojmë se Erion Veliaj u arrestua me 10 shkurt dhe mbi të rëndojnë 13 akuza për 5 vepra të rënda penale, 9 herë për korrupsion, shpërdorim detyre, futja e sendeve të paligjshme në qeli, pastrim të produkteve të veprës penale, fshehje pasurie.

Veliaj u shkarkua me propozim nga Këshilli Bashkiak dhe më pas me vendim të Këshillit të Ministrave më datë 25 shtator 2025.

Pas shkarkimit të tij, Rama dërgoi vakancat për 6 bashki në Presidencë dhe pas 48 orësh Presidenti Bajram Begaj dekretoi datën e zgjedhjeve 9 nëntor.

Ky dekret i Presidentit u ankua nga Veliaj në Gjykatën Kushtetuese, e cila sot do ta shqyrtojë në orën 10:00./ CNA





Lajmet e fundit nga