web counter
LEXO PA REKLAMA!

SHKARKO APP

App Store
Google Play

E fundit!

x

ZAI YNË!

3 Dhjetor 2025, 11:31, Opinione Agim Xhafka

S’ka ca ditë që në Korçë u përurua busti i Zai Fundos. Bash tek ish-shtëpia e vet. Bash në pedonalen e bukur. Me shikim nga Morava. Si vështrim në largësi.

Jo vetëm vepra e Adi Dules, që është art i vërtetë, por biografia e Zait e zbukuron sheshin që tashmë ka emrin e tij. Është dhe si një pendesë qytetare ndaj harresës, mohimit dhe shpifjeve zyrtare ndaj tij. Korça duket më e plotësuar, më e ngrohtë që në gji futi birin e vet.

ZAI YNË!
Agim Xhafka te busti i Zai Fundos në Korçë

E qysh atë ditë halabakëria filluan të hedhin stërkala pështyme, shfaqje të trillimeve që jetuan ndër dekada. Si vullnetarët e Enverit u dhanë jetë shpifjeve. Nuk e dinë të mjerët se Zai është europianisti i parë shqiptar, nuk e dinë që militoi mes ajkës së të majtës europiane, nuk e dinë që qe antifashist në bindje dhe në luftë, nuk e dinë që u internua si i tillë në ishujt e Italisë, nuk e dinë që figura e këtij kolosi bëri xheloz vetë Enverin, i cili pa iu dridhur fare dora shkroi: "Të vritet pa gjyq”.

E kështu ndër vite e vite shqiptarët u ushqyen me dokrra, me shpifje e demagogji. Po e vërteta si lulja, mbin edhe në shkëmb.

Tashmë biri i qytetit fle në Korçën e tij. I nderuar thuajse nga të gjithë. I përfolur nga monstrat që nuk kujtohen akoma të heqin nga rrugët e qytetit emrat: "Mbledhja e Beratit", "Kongresi i Përmetit", "Konferenca e Labinotit"…

Në qytet akoma dremisin nostalgjikët, që nuk dinë gjë për madhështinë e Zai Fundos.

Ashtu si biseda në Sovjan për Pavarotin. Dikush qe entuziazmuar që e kishte parë në TV. Ata te kafeneja e fshatit ia hodhën poshtë duke thënë:

Të na rrojë Bakja ne që me fizarmonikë na gëzon në dasma.

Zai Fundo u “regjistrua” sërish në gjendjen civile të Korçës. Qytetit iu shtua edhe një mendimtar.





22:55 Opinione Atë Grigor Pelushi

Mbi egoizmin dhe lakminë

Ishte një herë një mbret që njihej për dhembshurinë dhe bu...

Lajmet e fundit nga