web counter
LEXO PA REKLAMA!

SHKARKO APP

App Store
Google Play

E fundit!

x

Sherri me thika dhe sende të forta mes adoleshentëve/ Gjykata e Shkodrës liron dy të rinjtë

15 Dhjetor 2025, 12:13, Aktualitet CNA

Sherri me thika dhe sende të forta mes adoleshentëve/ Gjykata e

Gjykata e Shkallës së Parë Shkodër ka vendosur lirimin me masën e sigurisë “detyrim paraqitje” për dy të rinjtë K.Th., 24 vjeç, dhe D.K., 19 vjeç, të dyshuar si organizatorët e rrahjes masive mes adoleshentësh.

Një ngjarje e ndodhur disa ditë më parë në qytetin e Shkodrës, pranë shkollës “Shejnaze Juka”. Ngjarja përfshiu rreth 15 të rinj, të cilët u konfliktuan fillimisht me grushte dhe më pas me sende të forta, ndërsa gjatë përleshjes është përdorur edhe armë e ftohtë (thikë).

Si pasojë e këtij konflikti, tre adoleshentë mbetën të dëmtuar lehtë dhe u transportuan në spitalin rajonal të Shkodrës, ku morën ndihmën mjekësore dhe tashmë ndodhen jashtë rrezikut për jetën. Sipas hetimeve, konflikti dyshohet se ka pasur zanafillë një përplasje të mëparshme mes nxënësve për motive të dobëta.

Pas ngjarjes, forcat e Policisë së Shkodrës dhe efektivët e njësisë “Shqiponja” ndërhynë në vendngjarje, duke sekuestruar kamerat e sigurisë dhe duke nisur hetimet. /CNA





Lajmet e fundit nga