web counter
LEXO PA REKLAMA!

SHKARKO APP

App Store
Google Play

Miratohet në komision ligji "Për sinjalizimin dhe mbrojtjen e sinjalizuesve"/ Manja: E kanë edhe vendet e BE-së

15 Dhjetor 2025, 14:04, Aktualitet CNA

Miratohet në komision ligji "Për sinjalizimin dhe mbrojtjen e

Kryetari i Komisionit të Ligjeve, Ulsi Manja, është shprehur se ligjin “Për sinjalizimin dhe mbrojtjen e sinjalizuesve” e kanë edhe vendet e Bashkimit Europian. Manja tha se ky projektligj nuk duhet konceptuar si licencim i spiunëve, koncept, i cili, sipas tij, është fyes.

“Këtë ligj e kanë edhe vende europiane si Italia. E përshtati në vitin 2023 me standardet e BE-së. Franca dhe Britania po ashtu. Dhe në këto shtete nuk është thënë se po licencohen spiunët. SHBA jo vetëm ka një legjislacion në këtë drejtim, por në 2010 kanë miratuar edhe një mekanizëm ligjor si propozim kongresmenësh për pagesën e sinjalizuesve financiarë. Është një ligj që vjen në kohën dhe momentin e duhur. Nëse në 2016 kishim pikëpyetje sepse ishte një praktikë e re, sot pas 9 vjetësh, sensi i diskutimit në këtë komision duhet të jetë si ta bëjmë më të zbatueshëm këtë ligj. Kjo fillon me gjuhën që përdorim. Nëse nga ky komision do të flitet me gjuhën e licencimit të spiunëve, që është fyese, sigurisht opozita kërkon të krijojë efektin e kundërt në luftën kundër korrupsionit”, tha Manja.

Projektligji u miratua në parim në komision me shumicë votash. Nesër do të bëhet shqyrtimi nen për nen i ligjit për ta diskutuar më pas në seancë plenare. /CNA





Lajmet e fundit nga