web counter
LEXO PA REKLAMA!

SHKARKO APP

App Store
Google Play

E fundit!

x

“Kur orizi u tret në shi”/ Tedi Blushi dhe lapsusi që u bë “meme”

15 Dhjetor 2025, 14:36, Aktualitet CNA

Sekretari i Përgjithshëm i PL-së, Tedi Blushi, u paraqit këtë të hënë në Komisionin e Ligjeve, ku tentoi të luante rolin e opozitarit duke evidentuar, sipas tij, aferat korruptive të qeverisë Rama.

Teksa përpiqej me elokuencën e tij të fliste për hallet e popullit, Blushi u shndërrua në “meme”, pikërisht për shkak të përdorimit të gabuar të shprehjeve popullore.

Duke folur për veprat infrastrukturore që, sipas tij, janë dëmtuar, Blushi deklaroi se rreth 700 milionë euro investime “u tretën si oriz sapo ra shiu”.

I kujtojmë deputetit “të madh” opozitar se shprehja e urtë popullore është:

“Nuk je sheqer që të tretesh në shi.” Orizi, pavarësisht përpjekjes së Blushit, nuk tretet në shi.

“Kemi pesë kryevepra infrastrukturore, gjoja krenari e kësaj qeverie, që u shembën me një rrebesh shiu, Qukës–Qafë Plloçë, Korçë–Ersekë, Kardhiq–Delvinë, aeroportin e Vlorës dhe rrugën e Velipojës. Vepra publike, në total rreth 700 milionë euro investime, që u tretën si oriz sapo ra shiu”, -tha Blushi.

Para se Blushi të merrte fjalën, kryetari i Komisionit të Ligjeve, Ulsi Manja, e apeloi që të fokusohej vetëm te projektligji dhe të mos fliste për çfarë t’i vinte ndërmend.

Pas gafës së radhës, të njëjtën këshillë ia japim edhe ne, miqësisht, Tedi Blushit./ CNA

 





Lajmet e fundit nga