web counter
LEXO PA REKLAMA!

SHKARKO APP

App Store
Google Play

Ambasadori i Prezencës së OSBE-së në Tiranë: Shqipëria ka shënuar arritje në mbrojtjen e të dhënave

16 Dhjetor 2025, 10:35, Aktualitet CNA

Ambasadori i Prezencës së OSBE-së në Tiranë:

Michel Tarran, Ambasador i Prezencës së OSBE-së në Shqipëri, ka mbajtur fjalën e tij në Konferencën e VII kombëtare për të Drejtën e Informimit.

Tarran theksoi arritjet kryesore të Shqipërisë në mbrojtjen e të dhënave. Ai përmendi miratimin e ligjit të ri për mbrojtjen e të dhënave, që, sipas tij, është i harmonizuar me rregulloren dhe direktivat e BE-së.

“Dua të theksoj arritjet kryesore në mbrojtjen e të dhënave, miratimin e ligjit të ri për mbrojtjen e të dhënave, që shënon një hap përpara. Ky legjislacion është i harmonizuar me rregulloren e mbrojtjes së të dhënave të BE-së dhe direktivave në zbatim të saj. Vërej një bashkëpunim të frytshëm mes prezencës së OSBE-së në Tiranë dhe Komisionerit për të Drejtën e Informimit. Iniciativat tona janë përqendruar te rritja e ndërgjegjësimit dhe qasjeve praktike në mbrojtjen e të dhënave. Ky aktivitet na tregon si teknologjitë prekin privatësinë, llogaridhënien dhe praktikën e institucioneve. Këtë verë ndërmorëm dy iniciativa, njëra me ILD dhe tjetra me prokurorin e Përgjithshëm dhe aktorët e medias. Këto dy aktivitete përmirësuan komunikimin me median dhe publikun. Vitin tjetër synojmë të zhvillojmë protokollin e KLD dhe hartimin e strategjisë së komunikimit për Prokurorinë e Përgjithshme”, tha Tarran./CNA





Lajmet e fundit nga