web counter
LEXO PA REKLAMA!

SHKARKO APP

App Store
Google Play

E fundit!

x

Hapet qendra e çaktivizimit të armëve/ Infrastrukturë e re dhe për trajtimin e municioneve

30 Maj 2026, 11:08, Aktualitet CNA

Hapet qendra e çaktivizimit të armëve/ Infrastrukturë e re

Ministri i Brendshëm, Besfort Lamallari, mori pjesë në ceremoninë e dorëzimit të Qendrës së Çaktivizimit të Armëve të Vogla e të Lehta dhe pajisjeve për funksionimin e saj.

Qendra është një investim i realizuar nga Prezenca e OSBE-së në Shqipëri në bashkëpunim me Ministrinë e Brendshme dhe me mbështetjen financiare të Bashkimit Europian, Gjermanisë dhe Francës.

Infrastruktura e re synon të forcojë kapacitetet teknike të shtetit shqiptar për trajtimin e armëve, municioneve dhe eksplozivëve, duke harmonizuar procedurat vendase me standardet ndërkombëtare.

Gjatë ceremonisë së dorëzimit, ministri i Brendshëm, Besfort Lamallari, deklaroi se kjo qendër krijon për herë të parë një infrastrukturë të dedikuar për këtë proces, duke ndihmuar në reduktimin e rreziqeve nga armët e paligjshme

“Dorëzimi i Qendrës së Çaktivizimit dhe pajisjeve për funksionimin e saj është një hap konkret që forcon sigurinë publike, rrit standardet tona profesionale dhe afron Shqipërinë edhe më shumë me praktikat dhe standardet europiane në këtë fushë kaq të ndjeshme”, u shpreh ministri.

Ndërkohë të pranishëm në këtë takim ishin drejtori i Përgjithshëm i Policisë së Shtetit, Skënder Hita, ambasadori i OSCE-së në Tiranë, Michel Tarran, si dhe përfaqësues të Delegacionit të BE-së, ambasadës franceze e gjermane. /CNA





Lajmet e fundit nga