web counter
LEXO PA REKLAMA!

SHKARKO APP

Skandali me terapinë hormonale/ Reagon Tomini: Udhëzuesi nuk trajton dhe nuk përcakton skema rimbursimi

29 Maj 2026, 14:58, Aktualitet CNA

Zëvendësministrja e Shëndetësisë dhe Mirëqenies Sociale, Eugena Tomini ka reaguar, për udhëzuesin për trajtimin hormonal.

Sipas Tominit, udhëzuesi përbën një dokument orientues klinik dhe jo një protokoll përfundimtar terapeutik.

Tomini thekson se udhëzuesi është hartuar mbi bazën e praktikave dhe rekomandimeve ndërkombëtare, si edhe të vlerësimit të një ekipi multidisiplinar specialistësh.

Sipas saj, dokumenti ka si qëllim orientimin e profesionistëve të shëndetësisë në procesin e rekomandimit të terapisë hormonale për individët që referohen për këtë shërbim dhe nuk rekomandon nisjen e trajtimit në fëmijëri.

Ajo theksoi se udhëzuesi i referohet vetëm adultëve të këtij target grupi, në përputhje me legjislacionin në fuqi dhe mbi bazën e konsentit individual të informuar.

Në lidhje me çështjen e rimbursimit, Tomini sqaroi se udhëzuesi nuk trajton dhe nuk përcakton skema rimbursimi për medikamentet hormonale. Dokumenti përfshin vetëm rekomandime të përgjithshme dhe tipe të ndryshme të terapive hormonale, bazuar në praktikat klinike ndërkombëtare.





Lajmet e fundit nga