E fundit!

19:11 Aktualitet

Sot protesta e 47-të kundër qeverisë/ Qytetarët mblidhen në sheshin “Skënderbej”

Këtë të enjte po mbahet në Tiranë protesta qytetare e 47-t...

Ambasadori shqiptar takon kryebashkiakun e Innsbruck/ Diskutohet thellimi i marrëdhënieve mes Tirolit dhe Shqipërisë

29 Maj 2026, 14:24, Aktualitet CNA

Ambasadori shqiptar takon kryebashkiakun e Innsbruck/ Diskutohet thellimi i

Ambasadori shqiptar në Austri, Fate Velaj ka zhvilluar një vizitë në Innsbruck, ku është takuar me kryetarin e bashkisë së qytetit, Johannes Anzengruber.

Velaj shprehet se në takimin me Anzengruber, i cili është gjithashtu dhe anëtar i Këshillit Mbikëqyrës të Aeroportit të Innsbruckut, ka diskutuar për thellimin e marrëdhënieve ndërmjet Tirolit dhe Shqipërisë. Një nga propozimet kryesore ishte hapja e një linje fluturimi charter nga Innsbruck drejt Tiranës, me perspektivën që në një fazë të mëvonshme të përfshihet edhe Vlora si destinacion.

Po ashtu, u diskutua edhe për organizimin e një programi trajnimi nga Shkolla e Turizmit e Tirolit për Shqipërinë e Veriut. Një tjetër pike e diskutuar është nisma për vendosjen e një pllake përkujtimore për Tahsin Jonuzin, në godinën ku ai ka banuar në Innsbruck.

Tahsin Jonuzi, i cili studioi në Universiteti i Innsbruckut në periudhën 1932–1937 dhe u nderua me Medalje Ari, u kthye më pas në Shqipëri, ku iu përkushtua punës profesionale dhe zhvillimit të vendit.

Me pushtimin gjerman gjatë Luftës së Dytë Botërore, ai refuzoi të bashkëpunonte me forcat pushtuese dhe si pasojë u deportua në kampin e përqendrimit KZ Mauthausen, nga ku nuk u kthye më. Tahsin Jonuzi është gjithashtu babai i piktorit Nestor Jonuzi.

Reagimi i plotë:

Sot pata kënaqësinë të vizitoj Kryetarin e Bashkisë së Innsbruckut, Z. Johannes Anzengruber.

Me Kryetarin, i cili është gjithashtu anëtar i Këshillit Mbikëqyrës të Aeroportit të Innsbruckut, bisedova për disa mundësi për thellimin e marrëdhënieve ndërmjet Tirolit dhe Shqipërisë:

* krijimin e një fluturimi charter nga Innsbruck në Tiranë dhe, në një fazë të mëvonshme, edhe në Vlorë;

* organizimin e një programi trajnimi nga Shkolla e Turizmit e Tirolit për Shqipërinë e Veriut;

* vendosjen e një pllake përkujtimore në godinën ku ka banuar Tahsin Jonuzi.

Ai studioi në Universiteti i Innsbruckut nga viti 1932 deri në vitin 1937 dhe u nderua me Medalje Ari. Pas kthimit në Shqipëri, iu përkushtua me përkushtim punës së tij profesionale dhe zhvillimit të vendit. Me ardhjen e pushtimit gjerman, ai refuzoi të bashkëpunonte me pushtuesit. Për këtë arsye u deportua në kampin e përqendrimit KZ Mauthausen, nga ku nuk u kthye më.

Tahsin Jonuzi është babai i piktorit Nestor Jonuzi. /CNA