web counter
LEXO PA REKLAMA!

SHKARKO APP

App Store
Google Play

Rama në prezantimin e ADS: Hapësirë për talentet, do të ketë pagat më të larta të shërbimeve digjitale

29 Maj 2026, 11:45, Aktualitet CNA

Kryeministri Edi Rama ka mbajtur fjalën e tij në prezantimin e kompanisë “Albanian Digital Solution”.

Rama u shpreh se kjo kompani do të zhvillojë sisteme pa pasur nevojë që shteti t’i drejtohet privatit, ndërsa shtoi se ADS do të ketë pagat më të larta të shërbimeve digjitale.

Ndër të tjera tha se talenteve brenda dhe jashtë vendit do tu ofrohet mundësia të bëhen pjesë e saj.

“Për ta ndarë jo më mes sektorit privat dhe publik, por në radhë të parë për ta ndarë brenda sektorit publik. Për të krijuar një kompani të re që do të zhvillojë sisteme pa pasur nevojë që shteti t’i drejtohet privatit, por përkundrazi me ambicien që shteti të krijojë kompaninë më të suksesshme publike të zhvillimit të sistemeve dhe mirëmbajtjes së tyre. Një kompani që të ketë kapacitetin të kthehet në hapësirë për të gjithë talentet, një kompani që të ketë pagat më të larta të shërbimeve digjitale, një kompani që talenteve brenda dhe jashtë vendit t’u ofrojë mundësinë të bëhen pjesë e saj duke kombinuar punën në zyrë dhe në distancë në funksion të qëllimeve, një kompani që të jetë garanci për sistemet e vendit që të mos mbeten peng i privatëve, që të garantojë të gjithë vazhdimësinë teknike dhe të ofrojë përgjegjshmërinë më të lartë institucionale dhe qytetare në raport me publikun duke garantuar matshmërinë e shërbimit. Kjo është ambicia që ka një faturë domethënëse dhe kuptimplotë e shkurtër”, tha Rama. /CNA





Lajmet e fundit nga