284 ditë nga gënjeshtra dhe mashtrimi publik i Erion Veliajt & Co

28 Maj 2026, 19:34, Aktualitet CNA

Gënjeshtra dhe mashtrimi publik i kryebashkiakut të arrestuar të Tiranës, Erion Veliaj, dhe grupit të tij mbi pretendimet dhe akuzat ndaj prokurorit Ols Dado, kanë mbërritur në ditën e 284-t.

Janë mashtrime të bëra jo vetëm nga vetë Veliaj, por edhe nga ushtari i tij Mero Baze dhe mashtruesit e tjerë mediatikë dhe publikë, të paguar nga paratë e skandaleve të aferës “5D”, inceneratorëve dhe vëllait të kryebashkiakut, Arbër Veliaj.

Mero Baze dhe Carlo Bollino në sulm ndaj drejtësisë për të shpëtuar Erion Veliajn
26 Maj, 19:17

Ndonëse kanë kaluar 284 ditë, as Veliaj, as gazetari i familjes së tij, Mero Baze, e as avokatët e tij nuk kanë publikuar asnjë fakt apo dokument që vërteton pretendimet për prokurorin Ols Dado, i cili sipas tyre ka kërkuar shtesë mbi lejen e ndërtimit dhe meqë ka marrë refuzimin e pretenduar nga Veliaj ka nisur hetimet ndaj kryebashkiakut.

Prej 284 ditësh, CNA ka kërkuar vazhdimisht që Mero Baze, Erion Veliaj dhe avokatët e tij të publikojnë dokumentin me firmën e Ols Dados për shtesë mbi lejen e ndërtimit dhe refuzimin me firmën e kryebashkiakut për këtë leje.

Ashtu siç e kemi theksuar edhe më herët, këto pretendime dhe akuza nuk janë asgjë tjetër përveç se një sulm ndaj drejtësisë. Veliaj, ndaj të cilit rëndojnë 13 akuza për 5 vepra të rënda penale, pretendon konflikt interesi dhe prej muajsh nuk nxjerr asnjë dokument.

Veliaj dhe ushtarët e tij gënjejnë publikisht për Ols Dadon, i cili ka kaluar procesin e vettingut dhe është bërë pjesë e Prokurorisë së Posaçme. Ndërsa nga ana tjetër vetë Veliaj, në hetimet e para që ju bënë ju ngritën jo më pak se 13 akuza të rënda penale.

Më poshtë po sjellim pretendimet e Erion Veliajt dhe Mero Bazes:

Pretendimet e Veliajt

Në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

284 ditë nga gënjeshtra dhe mashtrimi publik i Erion Veliajt & Co

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

284 ditë nga gënjeshtra dhe mashtrimi publik i Erion Veliajt & Co
Pse nuk e nxjerr Veliaj dokumentin me firmën e Ols Dados dhe refuzimin me firmën e tij?

Pretendimi i Mero Bazes

Mero Baze thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia.

284 ditë nga gënjeshtra dhe mashtrimi publik i Erion Veliajt & Co

Këto janë gënjeshtra nga Veliaj, avokatët e tij mbrojtës dhegazetari i familjes së tij, Mero Baze dhe në 284 ditë, ndërsa e vërteta është vetëm një; kryebashkiaku i Tiranës, që gjendet në qelitë e burgut të Durrësit që prej rreth 15 muajsh, ka konsumuar veprat e rënda penale: korrupsion, shpërdorim detyre, pastrim të produkteve penale, futjen e sendeve të ndaluara në qeli dhe fshehje pasurie.