web counter
LEXO PA REKLAMA!

SHKARKO APP

App Store
Google Play

Rama: Do të prodhojmë në Shqipëri uniforma për ushtritë e NATO-s

29 Maj 2026, 12:10, Aktualitet CNA

Kreu i qeverisë, Edi Rama është shprehur se së shpejti në Shqipëri kompania “Guna” do të nisë me prodhimin për uniformat e shtetit shqiptar duke nisur nga ushtria.

Rama u shpreh se kjo kompani do të për ushtritë e tjera të vendeve të NATO-s. Ndër të tjera foli për integrimin e Inteligjencës Artificiale në qeverisje, ku njoftoi futjen e agjentëve me Inteligjencë Artificiale në sektorët e financave dhe shërbimeve juridike në ministri.

Kjo sipas tij do të sjellë shpejtësi, integritet profesional dhe cilësi të gjitha akteve që lidhen me financat dhe shërbimeve juridike.

Ndër të tjera shtoi se Inteligjenca Artificiale ka ndihmuar dhe adminstratën tatimore dhe doganore për të evidentuar se ku janë problemet.

“Kompania tjetër e krijuar që së shpejti do japë prodhimet e para, është “Guna” që do të prodhojë të gjitha uniformat e shtetit shqiptar, duke nisur nga ushtria. Ushtria suedeze i prodhon uniformat në Shqipëri, por ndërkohë shteti shqiptar rrokanisej në lloj-lloj tenderash. Sot kemi këtë kompani që do të prodhojë uniforma, për ushtrinë, policinë dhe do të prodhojë edhe për ushtritë e tjera të NATO-s.

Faza e parë e qeverisjes sonë ishte kalimi nga epoka e gurit në epokën digjitale me krijimin e platformave. Faza e dytë ishte digjitalizimi i shërbimeve. Tani jemi në fazën e tretë që është faza e administratës inteligjente. Sot ne kemi nisur projektin e futjes së agjentëve me IA në nivelin e parë të qeverisjes. Kemi filluar me ministritë dhe sektorët e financave dhe shërbimeve juridike të ministrive duke angazhuar një strukturë të posaçme për të kaluar në përdorimin e agjentëve të IA, për t’i dhënë shpejtësi dhe integritet profesional dhe një cilësi të gjitha akteve që lidhen me financat dhe shërbimeve juridike.

Po e përdorim IA në afrimin me legjislacionin e BE, por e përdorim në tatime. Platforma e IA e ndihmon administratën tatimore dhe doganore se ku janë problemet”, tha Rama. /CNA





Lajmet e fundit nga