web counter
LEXO PA REKLAMA!

SHKARKO APP

App Store
Google Play

E fundit!

x

Nesër Kuvendi Kombëtar i PD-së/ Këlliçi ndan detaje: Shpaloset programi qeverisës

29 Maj 2026, 15:34, Aktualitet CNA

Nesër Kuvendi Kombëtar i PD-së/ Këlliçi ndan detaje:

Deputeti i PD-së, Belind Këlliçi ka ndarë detaje lidhur me atë se çfarë do të ndodhë nesër në Kuvendin Kombëtar.  I ftuar në Syri Tv, Këlliçi u shpreh se nesër qytetarët do të njihen me programin qeverisës të Partisë Demokratike.

Ai shtoi më tej se gjithë procesi do të konkludohet me votimin për anëtarët e rinjt të Këshillit Kombëtar, numri i të cilëve ka shkuar në 200. Ndër të tjera shtoi se brenda një jave do të bëhen zgjedhje për ekipin drejtues të PD-së.

“Ditën e nesërme mbyllet kapitulli i provës kush është opozita dhe kush PD-ja. Nesër drejtuesit e PD-së dhe kryetari Sali Berisha kanë për detyrë të shpalosin programin qeverisës të PD-së dhe të bëjnë me dije qytetarëve se kush është ekipi dhe fytyra e PD si një alternativë shumë herë më e mirë dhe më e besueshme se ajo që është në qeverisje. Nesër qytetarët janë të etur të dinë se ku qëndron PD për të ardhmen.

Nesër procesi do të konkludohet me votimin për anëtarët e rinjt të Këshillit Kombëtar që si asnjëherë më parë ky numër ka shkuar në 200. Është shtuar numri i zonjave dhe zonjushave, është shtuar dhe numri i diasporës në Këshill Kombëtar. Ky rezultat dhe ky produkt do të jetë konkret të dielën në mbrëmje, pasi votat duan kohë të numërohen. Më pas brenda një javë do të bëhen zgjedhje për ekipin drejtues të PD-së, kryesia, nbënkryetarët, sekretariatët, që bashkë me zotin Berisha do na udhëheqin në betejën politike duke nisur nga zgjedhjet e ardhshme. Beteja jonë për zgjedhje të ndërshme dhe qeveri teknike nuk ndërron”, tha Këlliçi. /CNA





Lajmet e fundit nga