web counter
LEXO PA REKLAMA!

SHKARKO APP

App Store
Google Play

E fundit!

x

Fluks/60 mijë pushues nga Kosova hynë në Shqipëri gjatë fundjavës

13 Gusht 2023, 22:19, Aktualitet CNA

Fluks/60 mijë pushues nga Kosova hynë në Shqipëri gjatë

Këtë vit Shqipëria është ndër destinacionet më të preferuara turistike. Ashtu si viteve të tjera dhe këtë sezon pushuesit nga Kosova kanë qenë të shumtë në numër.

Mijëra qytetarë të Kosovës po kalojnë pushimet në bregdetin shqiptar përgjatë muajit gusht.

Autoritetet kufitare bëjnë me dije se kjo fundjavë ka shënuar fluksin më të lartë të sezonit veror me mbi 60 mijë pushues nga Kosova dhe mbi 9 mijë automjete të vogla dhe autobusë që kanë hyrë në vendin tonë me destinacion bregdetin.

Por pas pushimeve të këndshmë gjatë kthimit për në vendin e tyre ju duhet të presin në pikën e kalimit kufitar Shqipëri-Kosovë. Mbrëmja e kësaj të diele u shoqërua me radhë të mjeteve në hyrje për në Kosovë edhe pse vijon procedura pa kontrolle në kufi.

Gjatë korrikut deri në 50 mijë shtetas të Kosovës, kanë hyrë në vendon tonë përmes doganës së Morinit. Që nga fillimi i sezonit turistik, që përkon me muajin qershor, pika kufitare e Morinit, është përballur me fluks në rritje të hyrje të qytetarëve të Kosovës, që vit pas viti e frekuentojnë gjithnjë e më shumë bregdetin tonë.

Të shumtë kanë qenë turistët dhe nga Italia, Britania e Madhe dhe vende të tjera të Europës.

Mediat e huaja i kanë bërë jehonë turizmit në Shqipëri dhe bukurive të shumta që ka vendi ynë./ CNA





Lajmet e fundit nga