LEXO PA REKLAMA!

SHKARKO APP

E fundit!

x

Afera me djegësin e Tiranës/ Veliaj: Kush ka bërë gabime të mbajë përgjegjësi një më një

12 Gusht 2023, 13:30, Aktualitet CNA
Afera me djegësin e Tiranës/ Veliaj: Kush ka bërë gabime
Foto-montazh, ilustruese

“Kush ka bërë gabime të mbajë përgjegjësi një më një.”

Kështu është shprehur kryebashkiaku Erion Veliaj në lidhje me çështjen e landfillit të Tiranës.

Gjatë një intervistë për mediat, Veliaj e quajti shteruese deklaratën e dhënë më parë nga administratori i Shtetit, i cili u shpreh se bashkitë nuk kishin shlyer detyrimet. Ai ka pranuar se edhe bashkia e Tiranës është mbrapa me pagesat.

Më tej deklaroi se fakti që landfilli ka kaluar në administrimin e shtetit nuk do të thotë që nuk do të paguhen tarifat.

Kryebashkiaku tha se do të paguhet e njëjta tarifë, siç ka qenë gjithmonë.

Ndër të tjera theksoi se Bashkia ka zbatuar ligjin dhe se detyra e tij është të pastrojë qytetin. Veliaj nënvizoi edhe njëherë se kush ka bërë gabime të mbajë përgjegjësi.

“Me çështjen e landfillit patëm një deklaratë shteruese nga administratori shtetëror. Sipas tij bashkia nuk është treguar e zellshme me pagesat pra jemi mbarpa me pagesat.

Marrja nga shteti nuk do të thotë se kjo shkon për skrap.

Bashkia ka zbatuar ligjin. Kush ka bërë gabime në këtë çështje të mbajë përgjegjësitë. Detyra ime është të pastroj qytetin . E kemi bërë pa ndryshuar taksën që në kohën kur ka qenë Edi . Është e njëjta tarifë që ka paguar gjatë gjithë jetës së vet.

Ajo që kuptuam është që administratori i shtetit kërkoi pagesat. Kush ka bërë gabime të mbajë përgjegjësi një më një. Administrimi shtetëror heq spekulimet se ku shkojnë paratë.

Administratori do të mbajë bilancin e vet dhe do të kërkojë pagesat. Tirana e plehrave, e zhylit nuk do të kthehet më”, ka deklaruar Veliaj./ CNA

Lajmet e fundit nga