web counter
LEXO PA REKLAMA!

SHKARKO APP

App Store
Google Play

E fundit!

x

Thirrja e fortë e Gjergj Lucës/ “Kthehuni në Shqipëri! Turizmi ka hapur vende pune!”

12 Gusht 2023, 19:10, Aktualitet CNA

Thirrja e fortë e Gjergj Lucës/ “Kthehuni në Shqipëri!

Një thirrje të fortë ka bërë pasditen e kësaj të shtune biznesmeni dhe sipërmarrësi Gjergj Luca.

Biznesmeni ka publikuar disa pamje të një autobusi me turistë dhe i kërkon shqiptarëve të kthehen në atdhe.

Ai deklaron se mediat duhet të motivojnë njerëzit që të vijnë sërish në Shqipëri, pasi thekson se vendi është duke përparuar.

“Shihni çfarë bëhet. Bëni ca kronika për të motivuar njerëzit që të kthehen mbrapsht, se pjesa më e mirë e Shqipërisë na ka ikur. Thuajini të kthehen se s’po ja dalim dot, ka ardhur gjithë bota këtu, edhe po na respekton në shtëpinë tonë. 30 e ca vjet që ne vrapojmë, ikim në të gjithë botën për të marrë punë e respekt. Tani na ka ardhur puna këtu. Një autobus ikën, 5 vijnë, me mijëra njerëz. Po kthehuni ore kthehuni, bëni intervista, bëni kronika për me kthyer njerëzit. Pjesën më të shëndetshme të Shqipërisë e kemi në emigracion. Kthehuni njerëz! Kthehuni se po bëhet ky vend! Kthehuni!”, thotë Gjergj Luca.

Sipërmarrësi thekson se turizmi ka marrë përmasa të mëdha dhe çdokush ka mundësi investimi apo punësimi.

“Kthehuni se ky vend u pret. Me këto përmasa që ka marrë turizmi këtu te ne çdokush ka mundësi investimi dhe punësimi. Shqipëria plot, vende pune plot!”, nënvizon Luca./ CNA





Lajmet e fundit nga