web counter
LEXO PA REKLAMA!

SHKARKO APP

App Store
Google Play

Transportonin turistë pa kritere sigurie dhe dokumentacion/ Kapen 28 varka dhe 5 skafe

12 Korrik 2023, 14:43, Kronika CNA

Transportonin turistë pa kritere sigurie dhe dokumentacion/ Kapen 28 varka

Policia ka kryer një sërë kontrollesh në liqenin e Komanit dhe në lumin e Shalës, ku janë konstatuar 43 mjete lundruese.

Blutë bëjnë me dije se në vendin ku ankorohen mjetet lundruese në liqenin e Komanit u konstatuan 13 varka artizanale që nuk përmbushnin kriteret e sigurisë dhe nuk ishin të pajisura me dokumentacionin përkatës.

Gjithashtu, janë konstatuar edhe 5 mjete lundruese skafe, drejtuesit e të cilëve kishin autorizim për përdorim personal, por jo për të ushtruar veprimtari ekonomike si operator turistik. Drejtuesit e këtyre skafëve nuk u lejuan të merrnin pasagjerë në bord.

Nga kontrollet u konstatuan edhe 25 varka artizanale të bregëzuara në pjesë të ndryshme të liqenit të Komanit. Shërbimet e Policisë vijojnë verifikimet për të identifikuar pronarët e këtyre mjeteve, me qëllim kryerjen e veprimeve të mëtejshme për bllokimin e mjeteve lundruese që nuk përmbushin kushtet e sigurisë, për transportimin ditor, për qëllime turistike, të turistëve dhe vizitorëve.

Ndërkohë, rreth 2 javë më parë, si rezultat i kontrolleve në liqenin e Komanit, Policia e Shkodrës bllokoi 1 traget dhe 10 varka artizanale. Drejtuesi i tragetit u procedua penalisht, ndërkaq drejtuesit e varkave u ndëshkuan me masë administrative 10 000 të rinj, secili./ CNA.al





Lajmet e fundit nga