web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e Pjerin Xhuvanit/ Dënohet me 22 vite burg Arbër Paplekaj

12 Korrik 2023, 14:19, Kronika CNA

Vrasja e Pjerin Xhuvanit/ Dënohet me 22 vite burg Arbër Paplekaj

Gjykata e Elbasanit dënoi me 22 vite burg Arbër Paplekajn, duke e shpallur fajtor për vrasjen e Pjerin Xhuvanit.

Gjithashtu, Gjykata dënoi me nga 1 vit shërbim prove dy ish-nën drejtorët e policisë, Nikollaq Palla dhe Albert Nushi dhe 8 muaj "shërbim prove" për efektivët e forcave “Shqiponja” Dedion Duraku, Pëllumb Biçaku, Erion Balla, Erion Meçja, Donald Dedja dhe Besmir Kadiu.

Kujtojmë që Arbër Paplekaj ka qenë bodigardi i ish-Sekretarit të Përgjithshëm të PD-së, Gazment Bardhi, gjatë fushatës së zgjedhjeve elektorale të vitit 2021.

Pas një përplasje mes dy grupeve partiake, ku janë përdorur edhe armët, Paplekaj ka qëlluar mbi Xhuvanin, duke e lënë viktimë.

Pjerin Xhuvani, u vra më 21 prill të vitit 2021 në Elbasan. Në atë kohë, si pasojë e të shtënave, mbetën të plagosur Emiljan Prenga 39-vjeçar, Pavlo Vuksani 50-vjeçar, Eltjon Bodinaku 32-vjeçar dhëndri i Pjerin Xhuvanit. E plagosur po ashtu mbeti edhe efektivja e policisë Xhensila Sota 27-vjeçare.

Xhuvani u akuzua nga PD se ishte një ndër organizatorët e përplasjes fizike mes simpatizantëve të PS dhe PD Ditën e Verës të vitit 2021 në Elbasan.

Xhuvani është akuzuar edhe për laboratorin e drogës në Xibrakë të Elbasanit, ndërsa është njohur si aktivist i PS-së./ CNA.al





Lajmet e fundit nga