web counter
LEXO PA REKLAMA!

SHKARKO APP

App Store
Google Play

Pjesë e grupit që trafikonte kokainë dhe marijuanë në Danimarkë, SPAK arreston 3 persona

12 Korrik 2023, 10:31, Kronika CNA

Pjesë e grupit që trafikonte kokainë dhe marijuanë në

SPAK ka arrestuar 3 të shumëkërkuar me iniciale N.N., K.D., dhe A.M., pasi dyshohen se janë pjestarë të një grupi të strukturuar kriminal në Danimarkë për përpunim dhe shpërndarje të sasive të konsiderueshmee të kokainës dhe marijuanës për periudhën 2018-2019.

Sipas SPAK-ut, banda kriminale vepronte kryesisht në Danimarkë, Suedi, Norvegji, Belgjikë, Hollandë dhe Gjermani, ku si drejtues i grupit të strukturuar kriminal nga autoritetet daneze të drejtësisë është Jetmir Kastrati (alias Sokol Krasniçi).

SPAK ka vendosur masën e sigurisë "arrest me burg" për personin me iniciale N.N., për akuzat “Trafikim të narkotikëve”, kryer në bashkëpunim në formën e grupit të strukturuar kriminal, “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”. 

Ndërkohë, masa "arrest me burg" është vendosur edhe për shtetasit nën hetim K.D. dhe A.M. Këta të fundit akuzohen për veprat penale “Trafikim i narkotikëve”, kryer në bashkëpunim në formën e grupit të strukturuar kriminal, “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”. 

Më herët, Gjykata e Posaçme ka dënuar me burgim drejtuesin e bandës kriminale Jetmir Kastrati (alias Sokol Krasniçi), si dhe Astrit Beqirin dhe Dhimitër Shkodranin. 

Mbi Kastratin, Beqirin dhe Shkodranin rëndojnë veprat penale “Pastrimi i produkteve të veprës penale ose veprimtarisë kriminale”, kryer në bashkëpunim, “Grup i strukturuar kriminal”, si dhe “Kryerja e veprave penale nga organizata kriminale dhe grupi i strukturuar kriminal”. 

 

 





Lajmet e fundit nga