web counter
LEXO PA REKLAMA!

SHKARKO APP

App Store
Google Play

Faktet/ Pse Veliaj vonon procesin gjyqësor dhe frika që ka nga drejtësia

24 Qershor 2026, 16:16, Aktualitet CNA

Faktet/ Pse Veliaj vonon procesin gjyqësor dhe frika që ka nga

Një person, i cili beson te pafajësia e tij, shkon dhe përballet me drejtësinë me fakte, me prova, ndjek procesin, shkon në seancë, gjen dëshmitarët për t’u mbrojtur. Ka nga ata që pranojnë fajin, bëjnë gjykim të shkurtuar, e mbyllin shpejt procesin. Ka raste që proceset vazhdojnë, por kryesorja është përballja me drejtësinë. Përballja me prokurorët në gjykatë. Në qoftë se ata të ngrenë një akuzë, kanë faktet dhe provat e tyre, ti duhet të çosh dëshmitarët për të rrëzuar ato fakte dhe prova dhe të vërtetosh se je i pafajshëm. Kështu ndodh në drejtësi. Por kjo nuk po ndodh me Erion Veliajn.

Ka një vit që është çuar dosja në gjykatë dhe procesi gjyqësor duhet theksuar se ende s’ka filluar. Nuk po thirren dëshmitarët, shtyhet procesi, janë ndërruar dhjetëra avokatë, pastaj sëmuret i pandehuri avokati Plarent Ndreca, pastaj nuk shkon Erion Veliaj, nuk shkon një nga avokatët e një pale tjetër.

Kjo na tregon qartazi se ka një strategji për ta shtyrë procesin pambarimisht, për të mos zhvilluar seancat me pyetjet e dëshmitarëve. Dhe rasti i Erion Veliajt është ekzemplar. Është shembulli se si mund të mos gjykohesh dhe drejtësia të tërhiqet zvarrë me procedurat dhe teknikalitetet për të mos u gjykuar një i pandehur me 13 akuza të rënda penale.

 

Ilir Meta dhe Veliaj

 

Le të shohim rastet e tjera. Kemi Ilir Metën, i cili është arrestuar më 21 tetor 2024. Ilir Meta sot po gjykohet, po thërret dëshmitarë. Javë pas jave zhvillohen seanca gjyqësore. Pyeten, ka debate, ka prova, ka fakte, ka kundërshtime. Dhe megjithëse hetimi ndaj Ilir Metës nuk ka shkuar vetëm gjashtë muaj dhe nuk është çuar me hapësirën e parë ligjore në gjykatë, por janë zgjatur hetimet ndaj Ilir Metës në momentin pasi është arrestuar për llogari të SPAK-ut pas vendimit të gjykatës. Një proces që ecën në drejtësi me problematikat, akuzat që ka Ilir Meta, me problematikat e Monika Kryemadhit, të pandehurve të tjerë, dëshmitarëve, por zhvillohen seancat.

 

 

Sali Berisha dhe Veliaj

Nga ana tjetër, gjyqi ndaj Sali Berishës. Një gjyq që zhvillohet, seanca korrekte, dëshmitarë, persona që thirren, së fundi qe ish-ministri Ylli Pango, njerëz që mbajnë qëndrime, duan që procesi të ecë, të çohet deri në fund. SPAK ka akuzat e tij, palët e akuzuara kanë faktet dhe provat e tyre dhe procesi ecën.

 

Ilir Beqaj i Rilindjes

Edhe Ilir Beqaj, i cili ka dy procese, te njëri qëndron në kafaz, te tjetri jashtë. Proceset e tij gjyqësore po ecin. I vetmi që nuk po zhvillon proces gjyqësor, pas 1 viti që është dorëzuar dosja në gjykatë, por shtyn pambarimisht seancat, është Erion Veliaj. Shokë partie, jo qelie, por nuk janë njësoj në sistem drejtësie. Erion Veliaj duket më i përkedheluri, do ta tërheqë zvarrë procesin e tërheq, prej gati një viti e shohim çdo javë apo çdo dy javë.

Gjoja me historinë e kafazit, që CNA e ka sqaruar vendimin e Strasburgut, nuk shkon në seanca. Është ish-presidenti Ilir Meta, atje ndodhet në kafaz dhe nuk flet. Ka filluar të bëjë betejën me drejtësinë, jo të grindet apo të gjejë skema dhe teknikalitete. Pasi mirë apo keq, nuk ka diskutim që Ilir Meta është më burrë se Erion Veliaj. Të paktën përpara drejtësisë, ndoshta dhe për shumë gjëra të tjera.

Ilir Meta ka vendosur të shkojë të përballet me drejtësinë. Jo t’i shtyjë seancat dhe të bëjë rolin e një karagjozi, palaçoje, frikacaku, të një klouni publik. Ka zgjedhur të jetë dinjitoz. Sali Berisha shkon në gjykatë, dëshmitarët e tij thirren, palët shkojnë, avokatët zhvillojnë seancat. Diferencë shumë e madhe me atë çfarë thotë jashtë kur del apo çfarë thonë kur dalin nga gjykata. Brenda në seancë janë korrektë, gjyqet po zhvillohen.

Faktet/ Pse Veliaj vonon procesin gjyqësor dhe frika që ka nga

Ndërsa për Erion Veliajn, nuk zhvillohet gjyqi. E zë rrufa Plarent Ndrecën, apo i bien qurret, popullorçe, të pandehurin e SPAK-ut, avokatin e Zdromsit, nuk zhvillohet seanca. Por u shtynë gjyqet muaj e muaj të tërë merr një avokat, ik një avokat, sill një avokat, fut një avokat. Meselera me xhixhilera.

Një njeri që është me kurajë, i ndershëm dhe i pastër, shkon dhe përballet me drejtësinë me procedurën. Në qoftë se ka bërë dhe ndonjë gabim do të fitonte shumë më tepër pikë po të qëndronte dinjitoz përballë gjykatës.

Pa folur pastaj të kishte burrërinë të merrte përsipër gabimet e tij, fajet e tij, ndoshta dhe të çlironte nga akuza bashkëshorten, biznesmenët dhe këdo tjetër që ndoshta po e tërheq zvarrë ky proces gjyqësor që në fakt është zvarritja që po bën Erion Veliaj me sistemin e drejtësisë.

Zdromsi nuk do që të bëhet gjyqi dhe gjyqi nuk po bëhet, por po zvarritet./CNA





Lajmet e fundit nga