web counter
LEXO PA REKLAMA!

SHKARKO APP

App Store
Google Play

Gjyqi ndaj Metës/ Kreu i PL kërkon Ramën dhe Ballën si dëshmitarë

24 Qershor 2026, 15:51, Aktualitet CNA

Gjyqi ndaj Metës/ Kreu i PL kërkon Ramën dhe Ballën si

Kreu i Partisë së Lirisë, Ilir Meta, në seancën e sotme në Gjykatën e Posaçme ka kërkuar që në gjyqin ndaj tij të thirren dëshmitarë kryeministri Edi Rama dhe kreu i Grupit Parlamentar të PS-së, Taulant Balla.

Në dëshminë e tij, Meta tha se duhet të merret dëshmia e një eksperti në fushën e minierave për të folur për ndryshimet ligjore në ligjin për minierat dhe sa subjekte kanë përfituar nga ky ndryshim.

Për të njëjtën çështje, Meta ka kërkuar të merret dhe dëshmia e Ramës dhe Ballës.

 

 

“Do të ishte me vlerë të thërrasim një ekspert në fushën e minierave, apo një ekspert të pavarur për të parë, që nga ky ndryshim ligjor sa subjekte kanë përfituar. Për të kuptuar, nëse ishte i nevojshëm a jo. Jeni përballë një fantazie të shfrenuar. Shtëpia këtu, shtëpia aty, pallati këtu pallati atje. Ne kemi jetuar deri më 2008-2009 në banesën e prindërve të bashkëshortes sime. Vendi u dha për pallat dhe prandaj duhet të lëviznim. Jemi vendosur tek Blloku, pasi zonja kishte gjetur një okazion. 4 vite kemi qëndruar aty. Ndërtesa ishte me probleme, paçka se vendi ishte i mirë. Unë e kisha të pamundur për të bërë aktivitete sportive. Qëllimi nuk ishte të merrja një vilë. Kërkesa e parë ishte për një apartament afër stadiumit. Kjo për të qenë larg zhurmës së Bllokut, plus ato muret ishin të lehta dhe dëgjohej gjithë zhurma e Bllokut. Kryetari i Kuvendit ka vetëm një votë. Edhe kur voton kundër një ligji e ka për detyrë funksionale ta firmosë. Për këtë çështje këtu duhet të vijë Edi Rama, duhet të vijë kreu i Grupit Parlamentar të PS-së. Kurrë s’kam diskutuar me njeri, as për të marrë shtëpi, as për të lënë shtëpi. Të gjitha janë lidhje absurde, pasi kur nuk ke një fakt, kur nuk ke një sms, kur nuk ke një e-mail, atëherë do të bësh montazhe”, tha ai.

 

Po ashtu Meta ka kërkuar të thirren si dëshmitarë edhe disa figura të tjera politike si Gramoz Ruçi, Eduart Shalsi, Namik Kopliku dhe Petrit Vasili./CNA





Lajmet e fundit nga