web counter
LEXO PA REKLAMA!

SHKARKO APP

App Store
Google Play

Ndërprerja e energjisë në Maternitetin e Durrësit/ Spitali Rajonal sqarim publik

24 Qershor 2026, 13:08, Aktualitet CNA

Spitali Rajonal Durrës ka reaguar pas situatës së krijuar në Maternitet si pasojë e një avarie të përkohshme në furnizimin me energji elektrike, duke garantuar se nuk ka pasur asnjë rrezik për nënat, të porsalindurit apo personelin shëndetësor.

Në një njoftim zyrtar, Spitali Rajonal Durrës bën me dije se gjeneratori rezervë është aktivizuar brenda një kohe shumë të shkurtër, duke siguruar vazhdimësinë e furnizimit me energji për të gjitha sistemet dhe aparaturat jetike.

Sipas spitalit, gjatë gjithë periudhës së ndërprerjes, pajisjet e mbështetura nga sistemi rezervë kanë funksionuar normalisht, ndërsa shërbimet mjekësore kanë vijuar pa asnjë ndërprerje.

Spitali Rajonal Durrës thekson se furnizimi me energji është garantuar në kohë reale përmes sistemit rezervë dhe se institucioni mbetet i angazhuar për të siguruar vazhdimësinë dhe sigurinë e shërbimeve shëndetësore në çdo situatë. 

“Fakte për qytetarët

Në lidhje me situatën e krijuar ditën e djeshme në Maternitetin e Spitalit Rajonal Durrës, si pasojë e një avarie të përkohshme në furnizimin me energji elektrike, ju informojmë se gjeneratori rezervë u vu në funksion brenda një kohe shumë të shkurtër.

Gjatë gjithë periudhës së ndërprerjes, aparaturat dhe sistemet jetike të mbështetura nga furnizimi rezervë vijuan funksionimin normal, duke garantuar sigurinë e plotë të nënave dhe të porsalindurve. Rrjedhimisht, nuk është shënuar asnjë problem apo rrezik për pacientët dhe personelin shëndetësor.

Shërbimet mjekësore vijuan pa ndërprerje dhe furnizimi me energji u garantua në kohë reale përmes sistemit rezervë.

Spitali Rajonal Durrës mbetet i angazhuar për garantimin e sigurisë dhe vazhdimësisë së shërbimeve shëndetësore në çdo situatë.

Spitali Rajonal Durrës”, thuhet në reagim./ CNA





Lajmet e fundit nga