web counter
LEXO PA REKLAMA!

SHKARKO APP

App Store
Google Play

Përplasje te “Territorialja”/ Mazniku: Kujt po i kërkohet llogari, përgjegjësitë janë të përbashkëta

24 Qershor 2026, 14:42, Aktualitet CNA

Mbledhja e Komisionit të Posaçëm për Reformën Administrativo-Territoriale është shoqëruar me debate mes opozitës dhe mazhorancës, ku në fokus kanë qenë afatet, ecuria e punës dhe rezultatet e deritanishme të komisionit.

Gjatë diskutimeve, bashkëkryetari i komisionit, Arbjan Mazniku, theksoi se komisioni funksionon mbi bazën e paritetit mes dy palëve dhe se përgjegjësitë për mbarëvajtjen e procesit nuk mund t’i atribuohen vetëm njërës palë.

Sipas Maznikut, mungesa e rezultateve dhe vonesat në proces kanë ardhur si pasojë e bllokimit sistematik nga opozita. Ai u shpreh se të gjitha produktet teknike të paraqitura deri më tani në komision janë propozuar nga mazhoranca, ndërsa nënvizoi se në një strukturë me bashkëkryesi dhe përbërje të barabartë 8 me 8, përgjegjësitë për agjendën, ecurinë e punës dhe rezultatet janë të përbashkëta.

Ai shtoi se llogaria për rezultatet e komisionit duhet të kërkohet nga të gjithë aktorët e përfshirë në proces dhe jo vetëm nga njëra palë, duke kërkuar një ndarje të barabartë të përgjegjësive në vijimin e punës për reformën administrativo-territoriale.

“Mungesa e rezultateve dhe koha e humbur kanë ardhur si pasojë e bllokimit sistematik nga opozita. Çdo produkt që është propozuar nga ana teknike, është propozuar nga mazhoranca në komision. Përgjegjësitë për agjendën, ecurinë e punës, produktet, tipologjinë dhe numrin e tyre në një komision me bashkëkryesi dhe përbërje 8 me 8 janë të përbashkëta. Nuk e kuptoj kujt po i kërkohet llogari vetëm nga njëra palë. Keni kërkuar paritet dhe pariteti sjell edhe përgjegjësi, jo vetëm fjalë. Ju keni ardhur, keni folur, keni ikur. Ne kemi ardhur dhe kemi bërë edhe disa punë”, u shpreh Mazniku./ CNA





Lajmet e fundit nga