web counter
LEXO PA REKLAMA!

SHKARKO APP

App Store
Google Play

SHBA-ja zgjat emergjencën kombëtare për Ballkanin Perëndimor

24 Qershor 2026, 15:43, Aktualitet CNA

SHBA-ja zgjat emergjencën kombëtare për Ballkanin Perëndimor

SHBA-ja ka vendosur të zgjasë emergjencën kombëtare për Ballkanin Perëndimor. 

Njoftimi zyrtar u bë publik në Regjistrin Federal, si dhe do t’i transmetohet Kongresit Amerikan.

Emergjenca kombëtare u shpall për herë të parë më 26 qershor 2001 nga Presidenti i atëhershëm përmes Urdhrit Ekzekutiv 13219, për të adresuar kërcënimet e jashtëzakonshme ndaj sigurisë kombëtare dhe politikës së jashtme të SHBA-së që rridhnin nga dhuna ekstreme dhe veprimet që pengonin zbatimin e marrëveshjeve ndërkombëtare në Maqedoninë e Veriut, Bosnje dhe Hercegovinë dhe Kosovë.

Kjo gjendje është përditësuar ndër vite; në 2003 me Urdhrin Ekzekutiv 13304, në 2021 me Urdhrin Ekzekutiv 14033, i cili e zgjeroi fushëveprimin e saj në të gjithë territorin e ish-Jugosllavisë dhe Shqipërisë, për shkak të korrupsionit të përhapur dhe minimit të institucioneve demokratike, në janar 2025 me Urdhrin Ekzekutiv 14140, për të adresuar përpjekjet e vazhdueshme për të sfiduar sovranitetin e vendeve të rajonit dhe për të shmangur sanksionet amerikane.

Sipas përditësimit të fundit të bërë më 24 qershor 2025, situata në Ballkanin Perëndimor vazhdon të përbëjë një kërcënim të pazakontë dhe të jashtëzakonshëm për sigurinë kombëtare dhe politikën e jashtme të SHBA-së. Në këtë kuadër, Presidenti amerikan ka vendosur të vazhdojë për 1 vit tjetër gjendjen e emergjencës kombëtare, që përfshin sanksione dhe masa të tjera për individë që cenojnë paqen, stabilitetin dhe demokracinë në rajon./CNA 





Lajmet e fundit nga