LEXO PA REKLAMA!

SHKARKO APP

App Store
Google Play

Finalja e madhe e Conference League/ Nano sqaron masat, mesazh qytetarëve

21 Maj 2022, 11:06, Aktualitet CNA
Finalja e madhe e Conference League/ Nano sqaron masat, mesazh qytetarëve

Kreu i Policisë së Shtetit, Gledis Nano, ka sqaruar masat që do të merren me datën 25 maj, për shkak të finales së Conference League.

Në një prononcim për mediat, Nano tha se të mërkurën nuk do të ketë shtetrrethim në Tiranë, por vetëm bllokim të disa rrugëve.

Nano sqaroi se Tirana do të jetë e bllokuar për ata që duan të vijnë në kryeqytet atë ditë, duke kërkuar mirëkuptimin e qytetarëve.

?Këto ditë është thënë që më 25 maj do të ketë një shtetrrethim. Dua t’u bëj me dije e t’u kërkoj mirëkuptim qytetarëve që data 25 do të jetë ditë feste. Mos të përhapim panik lidhur me shtetrrethime. Patjetër që do të ketë bllokim të rrugëve. Tirana do të jetë e bllokuar për ata që duan të vijnë në Tiranë.

Unë ju sugjeroj që të mos vijnë në Tiranë, kush ka për të ardhur atë ditë. Do të jetë një aktivitet me masa shumë të mëdha. Policia ka sugjeruar dhe do të bëjë bllokimin e rrugëve. Do të kemi komunikime të tjera në vazhdim se cilat rrugë do të jenë të bllokuara?, tha Gledis Nano.

I pyetur nëse janë marrë masa për tifozët e Fejnordit, të cilët njihen për trazira, kreu i Policisë së Shtetit tha: ?Masat e marra deri më tani janë masa që i kanë ndarë që në ardhje të dyja tifozeritë. Po kështu e fun-zone që do të jenë në Tiranë, janë marrë masa që të mos lejohen dy tifozeritë të krijojnë përplasje. Është e vërtetë që tifozeritë kanë dhe ultras apo tifozë me tendenca të dhunshme e huligane, por kjo është një ditë feste e duhet të jetë promovim i vlerave të qytetarëve europianë. S?do të lejojmë kurrsesi që një pakicë e vogël tifozësh që nën efektin edhe të pijeve alkoolike apo adrenalinës që shkakton sporti të prishin imazhin e vendit tonë. Jemi në bashkëpunim me autoritetet e huaja me qëllim identifikimin e këtyre personave e masat do të jenë profesionale që këto akte të mos ndodhin?, u shpreh Nano./ CNA.al

Lajmet e fundit nga