web counter
LEXO PA REKLAMA!

SHKARKO APP

App Store
Google Play

E fundit!

x

Balla i "shtrin dorën” Alibeajt: Presidentin ta zgjedhim bashkë

26 Prill 2022, 09:48, Politikë CNA

Kreu i grupit parlamentar të PS, Taulant Balla sot në një dalje për mediat ka folur në lidhje me procesin e zgjedhjes së Presidentit.

Balla gjatë fjalës së tij, tha se do të zhvillohen konsultime me krerët e tre grupeve parlamentare, Alibeaj, Mediu dhe Doda.

Balla ?përjashtoi? grupin e Rithemelimit, duke theksuar se ?emri i preferuar i PS?, është Alibeaj, për tu ulur në negociata, për zgjedhjen e presidentit.

?Kushtetuta ka përcaktuar qartë nevojën e një dialogu për tre raundet e para.

Nisur nga data katër, gjatë zhvillimit të tre raundeve mirë do ishte që të gjitha grupet parlamentare të merrinin kohën e nevojshme.

Mirë do ishte tu jepnim shqiptarëve një president të të gjithë shqiptarëve, dhe jo të PS. Duam tiu japim shqiptarëve një president që të personifikojë unitetin e popullit.

Koha në dispozicion deri të mërkurën tjetër, të jetë një kohë e mjaftueshme për të gjitha grupet parlametare për të negociuar brenda vetes, për profilin e presidentit të Republikës.

Takimi me shoqërinë civile është shtyrë për javën tjetër, në mënyrë që të kemi mundësi që në takim të jenë të pranishëm edhe Alibeaj, Doda dhe Mediu.

Shoqëria Civile ka vend për tu vlerësuar dhe marrë në konsideratë. Presidenti zgjidhet sipas Kushtetutës?-tha ndër të tjera Balla.

Më tej, Balla ritheksoi se nuk do të ketë asnjë negociatë me Sali Berishën.

?Sali Berisha nuk ekziston, as si grup parlamentar. Është një deputet i pavarur në Kuvendin e Shqipërisë.

Me Sali Berishën as nuk ka dhe as nuk do të ketë ndonjëherë negociata për asgjë. Sali Berisha për ne nuk ekziston.

Ndërkohë që ajo që unë di dhe besoj që ju të gjithë mund të ma konfirmoni, në Kuvendin e Shqipërisë rezultojnë grupe parlamentare, PD, me drejtues Alibeajn dhe dy grupe të tjera të Opozitës me drejtues Mediun dhe Zonjën Doda?-deklaroi Balla./CNA.al





Lajmet e fundit nga