LEXO PA REKLAMA!

SHKARKO APP

Situata në PD/ Kaso: Po funksionojmë në bazë të vullnetit të anëtarëve

25 Prill 2022, 19:27, Politikë CNA

Anëtari i Komisionit të Rithemelimit, Ivi Kaso, ka folur për situatën në PD dhe betejat në gjykata.

Në një intervistë për emisionin Now me Erla Mëhillin në Euronews, Kaso tha se PD funksionon në bazë të vullnetit të anëtarëve të saj.

Demokrati u ndal edhe te pranimi i ankimimit të Enkelejd Alibeajt, për të cilin tha se Gjykata nuk po gjykon vërtetësinë e palëve apo legjitimitetin e tyre, por po verifikon faktet.

?PD funksionon në bazë të vullnetit të anëtarëve të saj, vullnet që përfaqësohet në organin më të lartë të saj që është Kuvendi Kombëtar, në mënyrë të deleguar nga delegatët e vet.

Vullneti është i pakontestueshëm dhe sovran. Gjykata, ndryshe nga sa është përpjekur të bëjë konfuzion dhe ndryshe nga sa e ka kuptuar kolegu, nuk po zhvillohet ndonjë proces gjyqësor në gjykatën e Tiranës, për të vërtetuar nëse ka të drejtë njëra palë apo pala tjetër. Është legjitim Komisioni i Rithemelimit apo është ?Enkelejd Alibeaj? dhe mbështetësit e tij.

Gjykata e Tiranës është duke shqyrtuar një proces të ngjashëm me vërtetimet e faktit, duke parë nëse ndryshimet janë në përputhje me Kushtetutën e Republikës së Shqipërisë. Mbi këtë verifikim gjykata është shprehur se vullneti i demokratëve në 11 dhjetor dhe më pas në 18 dhjetor i konfirmuar duke i vënë vulën në 6 mars është i vlefshëm për PD dhe institucionet që e drejtojnë atë?, theksoi Kaso./ CNA.al

Lajmet e fundit nga