E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

Deputetët e Lulit në aksion/ Tentojnë të shkatërrojnë zgjedhjet e PD në Korçë e Devoll

25 Prill 2022, 16:25, Politikë CNA

Deputetët e Lulit po tentojnë të shkatërrojnë zgjedhjet e PD në Korçë e Devoll

Partia Demokratike po zhvillon zgjedhjet për kryetarët e rinj të degëve të PD. Deri më tani është vërejtur se procesi zgjedhor ka qenë i rregullt dhe të gjithë kandidatët i kanë dhënë duart njëri-tjetrit, duke shprehur se kanë si synim bashkimin dhe ringritjen e PD.

Por krahas, kësaj, është vënë re një përpjekje nga njerëzit e Lulzim Bashës për ta shkatërruar këtë proces zgjedhor.

Ditën e sotme zgjedhjet për kryetarë janë mbajtur për 9 degë, mes të cilave edhe në Korçë ku garojnë 4 kandidatë dhe në Devoll ku garojnë 6 kandidatë.

Ndërhyrja e deputetëve të Lulit

CNA.al mëson se deputeti i Devollit Bledion Nallbati, ka marrë 200 karta anëtarësie nga selia, i ka mbushur dhe i ka shpërndarë për të zgjedhur kryetar njeriun e tij.

E njëjta gjë po ndodh edhe në Korçë. Ervin Salianji dhe Ledina Aliolli, e cila mban detyrën e kryetares së komanduar kanë shpërndarë gati 300 tesera.

Deputetët e Lulit janë hedhur në aksion në mënyrë që listat të duken të manipuluara dhe procesi i shkatërruar.

Njerëzit e Bashës aty ku kanë mundësi kontrolli po ndërhyjnë për shkatërruar procesin e më pas për të akuzuar Rithemelimin.

Por krahas deputetëve të Lulit që po tentojnë të shkatërrojnë zgjedhjet e PD, CNA.al ka raportuar për një tjetër ndërhyrje për të kapur këtë proces. Është ministri socialist i Rilindjes, njëherazi dhe drejtuesi politik i PS-së në qarkun e Korçës, Niko Peleshi, ai i cili po tenton që në krye të demokratëve të vërë njeriun e tij Devis Osmanin.

Punonjës të ndryshëm të cilët dihet se janë anëtarë të PD, apo se do të marrin pjesë në procesin e votimit, janë thirrur në Bashkinë e Korçës apo institucionet ku punojnë nga drejtuesit e tyre pas urdhërit politik të Niko Peleshit që të marrin pjesë në votimin e degës së PD-së Korçës dhe të votojnë për Devis Osmanin.

Rilindja po tenton të marrë nën kontroll PD-në e Korçës, ndërsa Lulzim Basha edhe i dorëhequr duket se po ndihmon socialistët duke mos lejuar ringritjen dhe ribashkimin e demokratëve./ CNA.al

Niko Peleshi ndërhyn në garën e PD-së/ “Votoni Devis Osmanin”

Një ?Trëndelinë? për PD-në e Korçës