LEXO PA REKLAMA!

SHKARKO APP

E fundit!

x

Probleme me kutitë e votimit në Malësinë e Madhe/ PD del me qëndrim zyrtar

25 Prill 2022, 18:50, Politikë CNA

Komisioni i Organizimit dhe Monitorimit të Operacioneve Elektorale, ka reaguar për ndërprerjen e zgjedhjeve të kryetarit të degës së PD, për shkak të thyerjes së kutive të votimit.

Komisioni bën të ditur se ka nisur procesin e mbledhjes dhe verifikimit të të gjitha fakteve dhe ndodhive që çuan në prishjen e procesit të votimit për të cilat do të shprehet me një vendim zyrtar.

?Komisioni i Organizimit dhe Monitorimit të Operacioneve Elektorale, është vënë në dijeni të ngjarjeve të rënda që kanë ndodhur sot, gjatë procesit të votimit për kryetar të degës, në degën Malësi e Madhe të Partisë Demokratike.

Ndërkohë që Komisioni ka vendosur anulimin e zgjedhjeve në degën PD Malësinë e Madhe, ai është në procesin e mbledhjes dhe verifikimit të të gjitha fakteve dhe ndodhive që çuan në prishjen e procesit të votimit për të cilat do të shprehet me një vendim zyrtar.

Komisioni vlerëson se integriteti, transparenca si dhe vota e lirë e anëtarëve është primare në këtë proces të rëndësishëm të rithemelimit të Partisë Demokratike?, thuhet në deklaratë./ CNA.al

Lajmet e fundit nga