LEXO PA REKLAMA!

SHKARKO APP

“Vendimi i DASH për Berishën ishte politik”/ Sejamini: Dështoi totalisht, ja pse

25 Prill 2022, 20:31, Politikë CNA

Për gazetarin Neritan Sejamini, vendimi i DASH për shpalljen non grata të ish kryeministrit Sali Berisha ishte politik.

Në një intervistë në emisionin ?Të Paekspozuarit? me Ylli Rakipin, Sejamini tha se sot, pas një viti, ky vendim ka dështuar dhe nuk ka përmbushur qëllimet që kishte DASH, të cilat sipas tij ishin inkurajimi i drejtësisë dhe çlirimi i opozitës nga Berisha.

Vendimi i DASH është vendim politik. Ndërmerret për të zbatuar politikën e jashtme të SHBA. Nuk është vendim drejtësie. Nëse Sekretari i Shtetit bie ndesh me një informacion, që një zyrtar është i korruptuar, mund ti ndalojë hyrjen. Është mjet i DASH, që nuk jep viza.

Në rastin e zotit Berisha, ka patur qëllim politik, për të ndihmuar drejtësinë për ti dhënë kurajo dhe për të forcuar opozitën, me idenë që zoti Berisha mban peng opozitën. Këto dështuan, sepse politikisht ndodhi krejt e kundërta. Drejtësia shqiptarë nuk ka bërë asgjë fare. Sot i vetmi person i dënuar është kryetari i Bashkisë së Lushnjes, i akuzuar indirekt për shpërdorim detyre. Drejtësia ka prodhuar vetëm ish kryetarin e Bashkisë Lushnje. Tahiri është hetuar nga drejtësia e vjetër.

Pastaj, që reforma është madhështore, do të japë rezultate spektakolare“, tha ndër të tjera Sejamini./CNA.al

Lajmet e fundit nga