E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Ministrja e Ramës mbron aferën e inceneratorëve/ “Shet” Alqi Bllakon dhe Lefter Kokën

25 Prill 2022, 19:30, Politikë CNA

Afera e inceneratorëve ka çuar pas hekurave deri tani ish ministrin Lefer Koka dhe ish deputetin Alqi Bllako.

Por edhe pse të dy këta kanë qenë pjesë e PS, kryeministri Edi Rama ia ka faturuar përgjegjësinë personale, ndërsa avokatia ndaj inceneratorëve ka qenë e madhe.

Inceneratori i Tiranës nuk ekziston edhe pse për të janë dhënë miliona lekë, ai i Elbasanit punpn pjesërisht, ndërsa ai i Fierit është jashtë funksionimit. Por për socialistët, kjo aferë është vepra më e mirë e tyre.

Ministrja e Shtetit për Marrëdhënien me Parlamentin Elisa Spiropali në një intervistë për emisionin ?Të Paekspozuarit? me Ylli Rakipin, ka ?shitur? Alqi Bllakon dhe Lefter Kokën, duke thënë se falë PS që bëri reformën në drejtësi ata janë pas hekurave.

Pjesë nga biseda:

Ylli Rakipi: Eksponentë të mazhorancës po bien njëri pas tjetrit për shkak të aferës së inceneratorëve. Po vazhdoi kjo punë kështu, si do ta mbani këtë qeveri, se po shkon një pjesë e mirë në burg?

Elisa Spiropali: Për kë e keni fjalën?

Ylli Rakipi: Lefter Koka, ish ministri juaj. Alqi Bllako, ish deputet. Ka zëra që do të bien edhe të tjerë.

Elisa Spiropali: Zërat që vijnë nga përtej nuk i dëgjoj dot. Do e nis nga parimi. Është kjo shumicë, që i ka kthyer drejtësinë, një pushtet kushtetuee, publikut shqiptar. Drejtësia ishte e maliqit, pronë e një grushti politikanësh. Nëse PS dhe Edi Rama nuk do të qeverisnin, as deputetë as ministra, nuk do të ishin para drejtësisë.

Ylli Rakipi: Unë nuk po pyes si keni bërë ju drejtësinë, por si keni bërë ju inceneratotët?

Elisa Spiropali: Kishim komision hetimor dhe zyrtarët deri te kryeministri, u përgjigjën, në mënyrën më transparente. Çështja e inceneratorëve ishte në SPAK.

Ylli Rakipi: Si i konsideroni ju inceneratorët, histori suksesi apo gabim i Ramës?

Elisa Spiropali: Një domosdoshmëri, në një vend ku mbetjet kishin zënë rrugët. Ata raportin me pastërtinë nuk e kishin. A ka në këtë punë të pastër, individë që mund të jenë bërë pis? Këtë nuk e di sepse unë nuk jam prokurore.

Ylli Rakipi: Për drejtësinë po, por politikisht ju jeni përgjegjës.

Elisa Spiropali: Ne ja kemi dhënë drejtësisë atë që i takon në çdo vend normal. Ne kemi disa prioritete. Pastaj, se cili funksionar apo biznesmen, fut duart e tij, në këtë buxhet, këtë e përcakton dikush tjetër. Ne kemi bërë aktin për t?ja lënë njerëzve. Nuk jemi nga ata që i bëjmë letra SPAK-ut.

Ama, ne nuk mund të pranojmë që edhe letra e një zyrtari periferik i një partie politike, të iniciojë hetime dhe pastaj akti zyrtar më serioz i DASH, me shkrim dhe me gojë, nuk merr njeri guximin apo mundimin në institucionet e drejtësisë të nisë hetimi. Ne kërkojmë që për të gjithë të jetë njësoj./CNA.al