web counter
LEXO PA REKLAMA!

SHKARKO APP

App Store
Google Play

Bordi i qeverisë për naftën, ‘i pamjaftueshëm’ për tregun

14 Mars 2022, 16:11, Aktualitet CNA

Çmimet e naftës në pjesën e parë të marsit kaluan në nivele të papërballueshme për shumicën e konsumatorëve, duke ngritur pikëpyetje për kontrollin dhe rezervat që Shqipëria ka.

Por, rregullat në treg diktojnë çmimin sipas luhatjeve në bursë, duke lënë në hije qeverinë dhe fuqinë që ajo ka për të ndalur shtrenjtimin e pakontrolluar.

Shqipëria konsumon rreth 4.3 milionë litra naftë çdo ditë, ose 1.5 litër për frymë dhe çmimi i saj diktohet nga bursa e Londrës. Mjafton të shohësh si ndryshon çmimi për fuçi në këtë bursë, për të kuptuar se si do të reflektohet në pikat e karburanteve një ditë më pas.

Ky rregull ka vlejtur në Shqipëri vitet e fundit, ku furnizimi i naftës nga rezervat bëhet me çmimin e ditës.  

Shtrenjtimi deri në 260 lekë këtë mars, ka ardhur pikërisht nga rritja e vlerës në bursë, ku një fuçi naftë nga 90 dollarë që shitej në shkurt, arriti në 128 dollarë në datën 8, për t?u stabilizuar në 112 dollarë më pas.

Zhvillimet në tregjet globale, nuk raportojnë për reduktime drastike të sasisë që prodhohet çdo ditë. Madje, edhe import-eksportet nuk janë ngadalësuar aq sa të çoroditin tregun.

Por, nga ana tjetër pushtimi i Ukrainës nga Rusia ka vazhduar të rrisë çmimin e energjisë elektrike. Rritja e kërkesës, sanksionet e perëndimit dhe pikëpyetjet për gazin rus kanë rritur çmimin e megavatit të energjisë elektrike deri në 350 euro, nga 60 që ka qenë një vit më parë.

Faturat e larta kanë ndikuar tek rafineritë, një arsye kjo për të justifikuar shtrenjtimin e arit të zi.

Qeveria deklaron se një bord i zgjedhur do të monitorojë rezervat e sigurisë dhe çmimet ditore në karburante, një vendim ky për të mos lejuar mungesën dhe abuzimin, por për shumëkënd shihet i pamjaftueshëm, pa heqjen ose reduktimin e taksave./euronews





Lajmet e fundit nga