LEXO PA REKLAMA!

SHKARKO APP

“Ka një kohë maturimi edhe për burrninë”/ Këlliçi tallet me Bashën: Kolegu ynë Lulzim, mos i bjer nga Kina!

13 Mars 2022, 19:33, Aktualitet CNA

Deputeti dhe anëtari i Komisionit të Rithemelimit, Belind Këlliçi, ka dalë me një reagim në rrjetet sociale ku i drejtohet kryetarit të shkarkuar Lulzim Basha.

Pasi mbushi dynjanë sikur grupi parlamentar është dakordësuar që Berisha të largohet, Këlliçi I kujton Bashës se ai nuk është aspak pjesë e zgjedhjes, dhe se ka një kohë maturimi për të gjitha, edhe për burrninë.

“Kolegu ynë Lulzim!

Ke dy ditë që dredhon live para kamerave. Selia e PD ndodhet në qendër të Tiranës, prandaj mos i bjer nga Kina!

I vetmi moment që bashkove demokratët ishte për dorëheqjen tënde, e cila është fakt i kryer pasi Kuvendi Kombëtar të ka shkarkuar nga funksioni më 11 dhjetor. Nuk priti humbjen e gjashtë.

Ti sot nuk je aspak pjesë e zgjidhjes.

Ke mbushur dynjanë sikur grupi ynë parlamentar është dakordësuar që Berisha të largohet. Sikur zëdhënës i grupit të ishe, me këtë gënjeshtër që ke thënë, do ishe shkarkuar njëzëri.

Mjaft me këto lojëra e marifete! Ka një kohë maturimi për të gjitha. Edhe për burrninë.”/CNA.al

Lajmet e fundit nga