1 miliardë lekë tallava për Ditën e Verës/ Në kulmin e luftës ne luftojmë me Malumën

14 Mars 2022, 09:20, Aktualitet CNA

14 Marsi shënon ditën e Verës. Këtë vit, kjo festë pagane përkon me krizën e madhe ekonomike që ka pushtuar vendin tonë dhe që është thelluar ditët e fundit për shkak të luftës në Ukrainë.

Kryeministri Edi Rama, prej disa ditësh shfaqet publikisht duke thënë jemi në luftë, ndërsa qytetarët kanë mbushur rrugët në të gjitha qytetet duke protestuar për shkaktë shtrëngimeve ekonomike nga Qeveria.

Po çfarë ndodh në kulmin e krizës ekonomike, paratë derdhën lumë për tallava, nga Tirana në Elbasan, Shkodër, Durrës, Korçë e gjetkë.

Në kulmin e krizës, shqiptarët, që janë derdhur rrugëve do të paguajnë një thes me para për Malumën.

Një aktivitet ky i organizuar nga Bashkia e Tiranës, nën kujdesin e Erion Veliajt.

Janë para që burojnë nga taksat e shqiptarëve dhe që po përdoren për tallava.

Shifrat që lakohen për pagesën e Malumës, thuhet se nisin nga 600 mijë dollarë deri në 1.5 milionë dollarë.

Pra, në kulmin e luftës ne luftojmë me Malumën.

Shkojmë më tej në qytetet e tjera, ku janë organizuar aktivitete të ndryshme, sigurisht që kushtojnë mijëra euro për të cilat nuk ka transparencë.

Në Elbasan janë 27 organizime në 6 pika, ku janë ftuar artistë të ndryshëm si nga Shqipëria ashtu edhe nga Maqedonia e Veriut.

Këto aktivitete përkthehen në para, në qindra e mijëra euro.

Edhe në bashki të tjera të vendit janë paralajmëruar organizime te ndryshme, të cilat kushtojnë.

?Turp?, thotë kryeministri Edi Rama, që dilni e protestoni në kohë krizë.

Po shpenzimi i 1 miliardë lekëve për tallava, nuk është më vetëm turp por skandal.

Kryeministri Edi Rama a flet me kryetarët e bashkive, apo për ata s?ka krizë? Se në fakt duhet të tupërohen kryetarët e Bashkive që nga Erion Veliaj e me radhë, për qindra mijëra euro që paguhen sot për tallava.

Ose nga ana tjetër Rama, duhet të pranojë se të gjitha çfarë deklaron i ka propagandë dhe të japë llogari për përhapjen e panikut tek qytetarët dhe mos të hiqet se i dhimbset Ukraina.

Jo, nga njëra anë jemi në krizë, kemi një paketë të rezistencës sociale dhe nga ana tjetër hedhim para në tallava./CNA.al