web counter
LEXO PA REKLAMA!

SHKARKO APP

App Store
Google Play

E fundit!

x

Jo vetëm pjesëmarrje e ulët, por edhe vota të pavlefshme/ Ja cila nga Bashkitë kryeson

7 Mars 2022, 08:45, Politikë CNA

Numërimet kanë mbaruar vetëm për dy Bashki, Vorë dhe Rrogozhinë, ndërkohë që vijon numërimi në katër bashkitë e tjera.

Përveç se pjesëmarrja ka qenë në nivele të ulta, ajo që vërehet nga numërimi janë edhe një numër i konsiderueshëm i votave të pavlefshme.

Më shumë vota të pavleshme, duke iu referuar numërimit të deritanishëm ka Bashkia e Durrësit.

Në Bashkinë Lushnje, vota të pavlefshme janë 980 të cilat janë konstatuar në 144 kutitë e hapura deri më tani, nga totali që janë 157.

Në Bashkinë Shkodër, vota të pavlefshme janë gjetur 605 në 172 kutitë e hapura deri më tani. Ndërkohë që edhe më shumë se gjysma e kutive janë pa numëruar ende, duke pasur parasysh se janë 250 kuti në total.

Ndërsa Dibër, vota të pavlefshme janë 422. Kujtojmë se deri më tani janë hapur 68 kuti nga 101 që janë në total.

Në Bashkinë e Durrës, janë 1 305 vota të pavlefshme nga 237 kutitë që janë numëruar deri më tani. Ndërsa në total janë 337 kuti.

Në Bashkinë Vorë, ku numërimi ka mbaruar që mbrëmë,pasi votimi u krye në mënyrë elektronike janë gjetur 339 vota të pavlevshme, në 44 kutitë që ishin në total.

Edhe në Bashkinë Rrogozhinë numërimi ka përfunduar. Pas numërimit të 53 kutive janë gjetur 229 vota të pavlefshme./CNA.al





Lajmet e fundit nga