E fundit!

19:13 Aktualitet

Jorida Tabakun e merr malli për Erion Veliajn

Deputetja e Partisë Demokratike, Jorida Tabaku duket se e ...

Dobësia e Xho Bajden po mbjell kaos në SHBA dhe në botë

24 Shkurt 2022, 07:35, Blog CNA

Nga Liz Peek ?Fox News?

Duket sikur deri dje bota ishte paqësore, armiqtë tanë shumë të kujdesshëm, kufijtë tanë ishin të sigurt, çmimet të qëndrueshme, krimi nën kontroll, dhe bursat në lulëzim. Po si degraduan kaq shpejt shumë gjëra? A është e drejtë të fajësohet për këtë Xho Bajden?

Unë besoj se po. Pasi ai garoi për president si një 78-vjeçar me shumë dobësi fizike dhe mendore. Në SHBA ka plot burra në të 70-at e tyre që janë fizikisht të fuqishëm dhe me një kthjelltësi mendorë të admirueshme. Bajden nuk është njëri prej tyre.

Vetë Xho e dinte, gruaja e tij po ashtu, shefi aktual i kabinetit në Shtëpinë e Bardhë, Ron Klein dhe media,duhet ta kenë ditur se Bajden nuk i përballonte dot sfidat e mëdha që do ta shoqëronin presidencën e tij 4-vjeçare. E megjithatë e futën në garë, një kandidat me shumë pak bindje dhe akoma me më pak aftësi.

Por ja kush ia dinte gjithashtu këto dobësi:presidenti i Kinës Xi Jingping dhe lideri autoritar rus Vladimir Putin. Despotët e botës vunë re atë që amerikanët e panë shumë qartë:dobësinë e gjithanshme të Bajden. Ata panë një president të cilin mund ta bullizonin, dhe bindjet e të cilit ishin të cekëta.

Tani, Vladimir Putin po teston lidershipin e Bajden në Ukrainë. Presidenti amerikan flet me siguri se Putini është gati ta pushtojë fqinjin e tij. Të tjerë spekulojnë se lideri rus thjesht do të aneksojë disa pjesë të Ukrainës që janë më pro-ruse. Dhe në fakt Moska e ka nisur të hënën këtë proces duke shpallur menjëherë si republika të pavarura dy rajone lindore.

Pra Putin po e rrëmben atë që dëshiron, ndërsa ne qëndrojmë duarkryq dhe shikojmë. Ishte dëshpëruese, por jo për t?u habitur, që teksa po shtohej armiqësia e Rusisë, Bajden e hoqi menjëherë nga tavolina opsionin e ndërhyrjes ushtarake.

Edhe nëse presidenti dhe rrethi i tij i ngushtë do të kishin rënë dakord që ushtria amerikane nuk do të ndërhynte për të mbrojtur Ukrainën, pse duhej që ta bënim publik atë vendim?

A nuk është një parandalues ??i fuqishëm potenciali i angazhimit ushtarak?

Bajden ka premtuar sanksione ?të shpejta dhe të rënda?, por vetëm një ndalim i eksporteve të energjisë ruse apo përjashtimi nga sistemi bankar SWIFT, do të gjymtonte realisht ekonominë e atij vendi.

?New York Times? raporton se Shtëpia e Bardhë nuk do t`i prekë prodhuesit rusë të energjisë, nga frika e rritjes së çmimeve që tashmë po u shkaktojnë probleme amerikanëve, dhe po zvogëlojnë mbështetjen ndaj demokratëve.

Po ashtu,Shtëpia e Bardhë nuk mund të vendosë sanksione ndaj bankave më të mëdha ruse, pasi kjo gjë mund të shkaktojë një krizë financiare në Perëndim,apo të shkaktojë sulme kibernetike ruse ndaj institucioneve tona financiare.

Deri më sot nuk ka pasur kurrë sanksione me një bazë të gjerë, të vendosura ndaj një ekonomie me përmasat e asaj të Rusisë, apo bankave kaq të mëdha me shumë lidhje ndërkombëtare. Kjo është një ndërmarrje e rrezikshme, e cila nuk ka mbështetjen e plotë të aleatëve tanë.

Pavarësisht fjalëve entuziaste të Bajden për funksionimin e NATO-s si një zë i vetëm, realiteti është se Gjermania nuk ka rënë dakord për masa të tilla kaq të ashpra. Perëndimi nuk është i bashkuar dhe Putini e di këtë. Kjo është arsyeja pse nuk ka masa të reja, edhe pse po përshkallëzohet agresioni rus.

Një gazetar pyeti kohët e fundit zëvendëspresidenten Kamala Harris,se përse administrata nuk vendos sanksione tani, siç ka kërkuar presidenti i Ukrainës Zelenski. Harris iu shmang një përgjigje direkte, teksa e pranoi se kostot e sanksioneve do të përhapen përtej Rusisë.

A beson Shtëpia e Bardhë se ndëshkimet financiare do ta detyrojnë Putinin të tërhiqet pasi ta ketë pushtuar Ukrainën?

E pyetur më tej, nëse sanksionet do ta pengonin Putinin, Harris tha:?Mundësia është ende e hapur, megjithëse po ngushtohet…?. Nuk është ndonjë çudi pse Putini po tregohet kaq i guximshëm. Armiqtë tanë shohin gjithashtu një president të dobët që ka shkuar ideologjikisht në të majtën ekstreme, duke e minuar nga brenda kombin amerikan.

Pavarësisht kandidimit me premtimin për ta bashkuar vendin, Bajden ka krijuar qëllimisht fërkime edhe më të mëdha ndër-racore, duke i etiketuar në mënyrë të gabuar ligjet zgjedhore të miratuar nga shtetet e udhëhequra nga republikanët.

Ne jemi një komb ?sistematikisht racist? pohon Biden, duke e injoruar përparimin e madh të bërë në dekadat e fundit drejt barazisë racore. Ai injoron fakti se një akuzë e tillë minon aspiratat e atyre që ai pretendon se janë të shtypur. Për më tepër, Bajden e ka injoruar kriminalitetin në rritje, duke iu bindur kauzës të së majtës se janë kriminelët dhe jo viktimat, ata kanë nevojë për simpatinë tonë.

Bajden ka dëmtuar edhe ekonominë e SHBA-së. Duke iu përkulur presionit të atyre që mbrojnë kauzën e krizës së klimës, Bajden ka punuar në mënyrë të qëndrueshme për të çmontuar prioritetin gjeopolitik nr.1 të vendit tonë:energjinë e bollshme dhe të lirë.

Dekurajimi i investimeve në fushat e naftës, anulimi i gazsjellësve të rinj dhe pasja si prioritet e burimeve të shtrenjta të rinovueshme, e ka ngadalësuar prodhimin tonë energjitik dhe e ka forcuar ndikimin e Rusisë dhe OPEC-ut mbi çmimet globale të naftës dhe gazit.

Po ashtu, Bajden rrëzoi ligjet e imigracionit të cilat reduktuan numrin e njerëzve që hyjnë ilegalisht në SHBA. Për pasojë,gati 2 milionë njerëz kanë hyrë ilegalisht në vendin tonë vitin e fundit.

Parimi i presidencës së Bajden, është se gjithçka që bëri Trump ishte e keqe dhe duhej të rrëzohej. Problemi është se shumë nga politikat e paraardhësit të tij funksionuan. Kaos jashtë vendit, kaos në shtëpi.

Dhe të gjitha sepse kemi në krye një president të dobët. Amerikanët janë të zemëruar, dhe me të drejtë. Le të shpresojmë që zemërimi t?i shtyjë votuesit të dalin masivisht të votojnë në zgjedhjet e nëntorit, dhe t?i japin Bajden përgjigjen që ai e meriton.

Përkthyer dhe përshtatur nga CNA.al