Xho Bajden duhet ta sfidojë Putinin duke shkuar vetë në Ukrainë

16 Shkurt 2022, 08:41, Blog CNA

Nga Michael Rubin ?19 Forty Five?

Çfarë duhet të bëjë Xho Bajden përballë një pushtimi të mundshëm të Ukrainës nga Rusia? Ndërsa forcat ruse po vazhdojnë të grumbullohen në kufi me Ukrainën, Këshilltari i Sigurisë Kombëtare Xhek Sallivan u kërkoi amerikanëve që të largoheshin menjëherë nga Ukraina.

?Ne jemi në kushtet kur një pushtim i Ukrainës mund të nisë në çdo kohë, në rast se presidenti rus Vladimir Putin vendos që të japë urdhrin. Ne i inkurajojmë të gjithë qytetarët amerikanë që ndodhen ende në Ukrainë që të largohen menjëherë nga vendi?- tha ai.

Pas tërheqjes së turpshme nga Afganistani, është e kuptueshme që Shtëpia e Bardhë është e frikësua nga ideja se mund të braktisë amerikanët e rrezikuar në Ukrainë. Në parim, Sallivan ka të drejtë kur i paralajmëron amerikanët se ka një limit në aftësinë e SHBA-së për t?i evakuuar ata nëse shpërthen lufta.

Por aty ku gabon administrata Biden, ka të bëjë me frikën që përhap tek publiku. Presidenti rus Vladimir Putin është si ai bullizuesi në ?oborrin e shkollës? që e ushqen panikun e turmës. Kjo është arsyeja kryesore pse presidenti ukrainas Volodimir Zelenski i kërkoi administratës Bajden që të zbusë deklaratat e saj.

Dobësia që shfaq Bajden publikisht përballë rusëve i frustron si ukrainasit po ashtu dhe demokracitë e tjera të Evropës Lindore dhe ish-sovjetike. Fitorja e talebanëve dhe tërheqja kaotike e SHBA-së nga Afganistani, bëri shumë jehonë përtej kufijve të Afganistanit, dhe i shkaktoi një dëm aq të madh imazhit të Amerikës në arenën ndërkombëtare,saqë nuk mund të mbulohet me asnjë lloj fushate PR.

As heqja e sanksioneve ndaj gazsjellësit ?Nord Stream2? nga ana e Bajden nuk ishte një veprim i sofistikuar ?për të fituar bashkëpunimin e Gjermanisë për një qasje më të ashpër ndaj Kinës? sikurse pretenduan mbështetësit e tij.

Përkundrazi, ai vendim tregoi dobësinë e SHBA-së dhe e inkurajoi më tej Rusinë. Asnjë lëvizje e mëtejshme nuk mund të zhbëjë dëmin e shkaktuar nga gafa e Bajdenit se mund të toleronte një ?inkursion të vogël rus në Ukrainë.

Nëpërmjet asaj deklarate skandaloze, Bajden tregoi se është më shumë një senator i angazhuar në ekspertizë sesa një udhëheqës i botës së lirë. Gjithsesi, nuk është ende tepër vonë që Bajden të tregojë një udhëheqje të tillë.

Por kjo kërkon një ndryshim të plotë të kujdesit dhe frikës që e ka diktuar sjelljen e Bajden që nga koha e fushatës së tij elektorale, e kaluar kryesisht në bodrumin e shtëpisë së tij në Delauer. Inkurajimi i amerikanëve për t?u larguar me shpejtësi nga Ukraina ka kuptim në kushtet aktuale.

Por një amerikan duhet të bëjë të kundërtën. Ashtu si Ronald Regan që e vizitoi dikur Berlinin për t?u përballur me agresionin sovjetik dhe që i kërkoi publikisht homologut

Mikail Gorbaçov që ta rrëzonte Murin e Berlinit, edhe Bajden duhet të shkojë sa më parë në Kiev, të qëndrojë pranë Zelenskit, dhe të kërkojë që Ukraina të mbetet e lirë.

Nëse kjo gjë ndodh, ajo që Bajden thotë do të kishte shumë më pak rëndësi se ajo që bën. Putini mund të tronditë me deklaratat e tij të ashpra, por prania e presidentit amerikan në Kiev do të ndryshonte rrënjësisht çdo llogaritje që mund të bëjë Kremlini mbi pasojat e nisjes së një sulmi ushtarak ndaj fqinjit të tyre.

Vizita e Bajden në Ukrainë në këto momente, do të sinjalizonte edhe evropianët se Amerika është rikthyer vërtet në skenën globale. Bajden premtoi se do ta vendoste diplomacinë në plan të parë. Por veprimet kanë më shumë rëndësi se fjalët.

Sekretari i Shtetit, Entoni Blinken, kishte të drejtë kur tha se në rrezik nuk është vetëm sovraniteti i Ukrainës, por rendi liberal i pas Luftës së Dytë Botërore. Me kaq shumë gjëra në lojë, një konferencë shtypi e Sallivan ose një deklaratë e Shtëpisë së Bardhë nuk do t?i jepte fund agresionit të Rusisë.

Prandaj është koha që nëpërmjet veprimeve të tij, Bajden të sinjalizojë një vendosmëri mëtë fortë sesa vetëm fjalët. Është koha e duhur që ai të udhëtojë në Ukrainë dhe ta sfidojë publikisht Putinin. Ndonjëherë, diplomacia më efektive përfshin më shumë sesa vetëm fjalët.

Shënim:Dr.Michael Rubin, është anëtar në think-tankun ?American Enterprise Institute?.

Përkthyer dhe përshtatur nga CNA.al