E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

“Stimulohet rrugaçëria, shëmtia, pisllëku”/ Rama “dush të ftohtë” kryebashkiakëve

11 Janar 2022, 12:48, Politikë CNA

Kryeministri Edi Rama, ka zhvilluar këtë të martë një takim me Komitetin Olimpik, pjesë e së cilës kanë qenë edhe disa ministre të kabinetit qeverisës.

Rama tha gjatë fjalës së tij, se duhet të krijohen programe sportive për të rinjtë në të gjithë territorin e vendit.

Rama tha se për të është e pa imagjinueshme që pas një periudhe më shumë se 1 mujore, pjesa më e madhe e Bashkive nuk japin përgjigje për disa kërkesa shumë elementare të bërë nga ministrja për Rininë për të pasur dijeni për terrenet që janë në dispozicion.

?Përqendrimi i fëmijëve është më i madh te elektronika dhe i munguar në pjesë të tjera të rëndësishme dhe të pa zëvendësueshme të njeriut. Programi i sportit sigurisht që do të na ndihmojë për të filluar një spostim të rëndësishëm të aktivitetit nga pjesa e aktivitetit që sot zhvillohet në qytete të ndryshme e informale, në rrethe sportive që janë në informalitet të plotë. Rrethe e klube ku prindërit shpenzojnë para, në një hapësirë që prodhon edhe aktivitet social.

Synimi është të ndërtojmë skuadrat për çdo shkollë 9-vjeçare, gjimnaz, universitet dhe të krijojmë edhe kompeticione sportive në nivel qarku e kombëtar. E gjitha kjo është e pamundur të bëhet nëse drejtoritë dhe ZA nuk marrin përsipër të bëjnë pjesën e tyre. Është e pa imagjinueshme për mua që pas një periudhe më shumë se 1 mujore, pjesa më e madhe e Bashkive nuk japin përgjigje për disa kërkesa shumë elementare të bërë nga ministrja për Rininë, e më pas edhe Komiteti Olimpik, për të pasur dijeni për terrenet që janë në dispozicion. Inventarin e palestrave, shkollave, s?e kemi të vështirë ta bëjmë. ?-tha Rama.

Gjithashtu Rama i ka dhënë një ?shuplakë? kryebashkiakëve, ndërsa theksoi se bashkitë duhet të investojnë në terrene sportive e jo në klube futbolli private, që nuk sjellin asgjë veçse kryejnë evazion fiskal.

Sipas tij nuk mund te stimulohet rrugaçëria, shëmtia, pisllëku, me parate e taksapaguesve.

?Na duhet një rishikim nga ana juaj si Bashki i qasjes me fondet e sportit. Harxhohen lekë për futboll për biznese private kot. Duhet ndërtuar një qasje tjetër, me të ardhurat nga taksat, jeni të gjithë në të drejtën e zotit dhe detyrimin ndaj qytetarëve të financoni sportin për të gjithë. Nuk mundet dot që me paratë e taksapaguesve të stimulohet rrugaçëria, shëmtia, pisllëku, nuk mundet. Bashkitë duhet të futen në bashkëpunim me klube futbolli, por mund të hyjnë për të mbarë mbrapsht investimin?, tha Rama./CNA.al