web counter
LEXO PA REKLAMA!

SHKARKO APP

App Store
Google Play

E fundit!

x

Nuk shkoni dot pa bërë vaksinën/ Kushtet e reja për të udhëtuar drejt Zvicrës

4 Tetor 2021, 15:03, Aktualitet CNA

Ministria e Jashtme e Shqipërisë ka njoftuar masat e reja të vendosura nga qeveria zvicerane për hyrjet në këtë shtet.

Sipas MEP, Zvicra ka vendosur që të lejojë hyrjen brenda territorit të saj vetëm për qytetarët që janë vaksinuar plotësisht me një vaksinë të miratuar nga Agjencia Evropiane e Mjekimeve.

Autoritet zvicerane njohin si të vlefshme vaksinimin me Pfizer/Biontech dhe Moderna.

Njoftimi i plotë

Ministria për Evropën dhe Punët e Jashtme njofton mbi masat e reja të vendosura nga qeveria zvicerane për hyrjet në këtë shtet.

Do të lejohen të hyjnë në territorin zviceran vetëm ata që janë vaksinuar plotësisht me një vaksinë të miratuar nga Agjencia Evropiane e Mjekimeve (EMA).

Përveç çertifikatës së vaksinimit Covid-19 lëshuar nga autoritetet shqiptare, udhëtarët duhet të plotësojnë edhe formularin  për hyrje në Zvicër, të cilin e gjeni në linkun e mëposhtëm: https://swissplf.admin.ch/formular

Autoritet zvicerane njohin si të vlefshme vaksinimin me Pfizer/Biontech dhe Moderna, të cilat aplikohen aktualisht në Zvicër, si dhe ato të çertifikuara të njohura nga EMA dhe OBSH.

Të gjithë personat që janë vaksinuar jashtë Zvicrës me një vaksinë të miratuar nga Agjencia Evropiane e Mjekimeve (EMA) dhe OBSH dhe janë rezidentë në Zvicër, ose që hyjnë në Zvicër për qëndrim afatshkurtër, mund të aplikojnë për certifikatë zvicerane Covid.

Aktualisht vetëm certifikatat e vendeve që aplikojnë sistemin digjital të certifikatës Covid të BE-së janë në përputhje me sistemin zviceran. Këtu përfshihet dhe Shqipëria .

Nga këto rregulla përjashtohen vetëm rastet e konsideruara si udhëtime të domosdoshme.

Për më shumë informacion, klikoni në faqet zyrtare të:

Sekretariati i Shtetit për Migracion i Zvicrës (SEM):

https://www.sem.admin.ch/?/faq-einreiseverweigerung?

Zyra Federale E Shëndetit Publik (FOHP):

https://www.bag.admin.ch/?/quarantaene-einreisende.html





Lajmet e fundit nga