LEXO PA REKLAMA!

SHKARKO APP

Rikthehen “mushkonjat” e drogës/ E treta herë që bie avioni i trafikantëve

4 Tetor 2021, 12:35, Aktualitet CNA
Rikthehen “mushkonjat” e drogës/ E treta herë që bie

Një helikopter pa asnjë shenjë dalluese ka rënë sot, në Vermosh. Pas rënies, piloti dhe një tjetër person janë larguar nga vendgjarja me një makinë tip fuoristradë me ngjyrë të bardhë.

Të vetmit dëshmitarë në zonë kanë qenë brarinjtë, të cilët kanë tentuar të afrohen me qëllimin për t?i, ndihmuar por nuk janë lënë nga personat që ndodheshin në avion.

Ngjarja ka ndodhur në orën 9 të mëngjesit të sotëm, ndërsa policia edhe pas orësh nuk ka arritur në vendngjarje, të paktën sipas kryeplakut të fshatit Vermosh Prek Vata.

Edhe një informacion zyrtar të cunguar Policia e ka dërguar për mediat në orën 13.16 të së hënës, pra, pas më shumë se katër orësh kur ka ndodhur ngjarja.

Për shkak të të gjitha rrethanave dhe misterit që mbart, ngrihen dyshime se avioni po përdorej për transport  droge.

Nuk është ky rasti i parë, kur avion që tranpostonin drogë janë rrëzuar në territorin e Shqipërisë.

Ndërsa në rastet e tjera është kap edhe makina që i priste trafikantët, këtë radhë ata i kanë lënë targat Policisë.

Me 10 maj të vitit 2014, një avion i vogël që drejtohej nga një pilot italian Giorgio Riformatto u rrëzua në plazhin e Divjakës.

Po në të njëjtën ditë, por në një rrugë tjetër në Divjakë u kap edhe një makinë me 460 kilogramë drogë.

Policia nisi aksionin menjëherë, duke arrestuar pilotin dhe pronarin italian  të avionit tip ?Piper? dhe S. Bajrami, drejtuesin e automjetit tip ?Mitsubishi? i ngarkuar me rreth 200 kg drogë.

Policia, gjithashtu bllokoi avionin e vogël, disa orë pasi  kishte ngecur në rërën e plazhit dhe nuk ngrihej dot për në destinacionin ku do të çonte drogën.

Në vitin 2014. Shërbimi Informativ Shtetëror  deklaroi  se avionët e dyshuar me drogë janë ulur 4 herë në Gjadër.

Dosja me dokumentet e SHISH , u tha në atë kohë se është dorëzuar në Prokurorinë e Krimeve të Rënda, e cila nisi hetimet për trafikun e drogës.

Në dosje u tha se janë përfshirë edhe  deklaratat e banorëve në policinë e Lezhës.

Në datën 9 maj 2014, Prokuroria e Përgjithshme ia kaloi Krimeve të Rënda dosjen penale të  hapur për hetimin e trafikut të dyshuar të drogës me avionë nëpërmjet bazave të Ushtrisë shqiptare, konkretisht nga aerodromi i Gjadrit?.

Nuk dihet se çfarë ka ndodhur me këto hetime

Në vitin 2016, një avioni i vogël tip ?Piper? është  pranë grykëderdhjes së lumit Ishëm në Durrës, ndërsa po kontrollonte terrenin i ngarkuar me kanabis.

Fillimisht policia e Durrësit, në një komunikim zyrtar njoftoi se piloti i avionit italiani Guido Gudi 69-vjeç ka kryer ulje të detyruar pas një avarie.

Më vonë u raportua se avioni i drogës ka rënë në momentin që ka filluar ngjitjen për t?u kthyer në Itali, pasi ka qenë i ngarkuar me bimë narkotike, kanabis sativa.

Avioni ka rënë në mëngjes, rreth orës 08:45, ndërsa policia e ka mbajtur fshehur derisa u bë publike në  atë kohë, në Parlament nga deputeti Flamur Noka.

Gjatë kësaj kohe, policia me vonesën në mbërritjen në vendin e ngjarjes, ka favorizuar mjaftueshëm në kohë trafikantët e dyshuar për të pastruar gjurmët e ngarkesës që dyshohet të jetë transportuar e larguar, sikurse ishte sjellë, me skaf.

Njësoj ka ndodhur edhe në ngjarjen e sotme./CNA.al

Lajmet e fundit nga