LEXO PA REKLAMA!

SHKARKO APP

“Nëse fitojmë mandatin e tretë do të rishpikim veten/ Majko: Qeverisja mbetet peng i disa zyrave

7 Prill 2021, 07:59, Politikë CNA

Kandidati për deputet i Partisë Socialiste, Pandeli Majko ka deklaruar se në Shqipëri, qeverisja mbetet peng i disa zyrave që nuk kanë të bëjnë me Këshillin e Ministrave

?Nëse e fitojmë mandatin e tretë dhe jam i bindur që jemi shumë afër, do të jemi të detyruar të rishpikim veten. Kjo ka të bëjë me administrimin, me problematikat. Në Shqipëri, qeverisja mbetet peng i disa zyrave që nuk kanë të bëjnë me këshillin e ministrave?, ka thënë Majko në një intervistë për  A2 CNN.

Sipas të njëjtit nuk është lajm, të thuash se njerëzit janë të pakënaqur pas dy mandatesh, por se sa të pakënaqur janë.

?Nuk është lajm të thuash që njerëzit janë të pakënaqur pas 2 mandatesh. Pika jonë më e forta nuk është sa të pakënaqur janë me ne, por me faktin që ne kthyem në sukses dy problemet madhore kombëtare me të cilat u ballafaquam në mandatin e dytë, tërmeti dhe pandemia. Kjo është një çështje që njerëzit kanë një reflektim. Vështirë që të ketë pasur një mandat në këto 30 vjet që të jenë përballur me këto vështirësi?, është shprehur më tej Majko.

Ky i fundit mendon se menaxhimi i tërmetit dhe pandemisë do të flasë në favor të socialistëve.

?Nëse nuk do të kishim pandeminë dhe tërmetin, sa i përket ekonomisë, do të kishin një histori krejtësisht tjetër. Ne mund të konsiderohemi ndër vendet më të hapura të rajonit. Ka kaluar ajo situatë kur kishim 20 të vdekur në ditë, tani diskutohet, a të bën reaksion vaksina apo jo? Nuk bëhet opozitë me të tilla gjëra?, ka thënë Majko, duke shenjëstruar kështu edhe Opozitën./CNA.al

Lajmet e fundit nga