web counter
LEXO PA REKLAMA!

SHKARKO APP

App Store
Google Play

E fundit!

x

Harxhi: Populli është i vetëtradhtuar, partitë e mëdha kanë humbur ideologjinë

6 Prill 2021, 20:38, Politikë CNA

Edith Harxhi, drejtore ekzekutive e ?Albanian Policy Center? thotë se partitë e mëdha në Shqipëri ?e kanë humbur nocionin ideologjik?.

Ajo tha se po të shohësh programet e tyre elektorale, mund të konfondohen fare lehtësisht. ?E djathta flet për mirëqenie sociale, e majta flet për privatizime PPP?, u shpreh znj. Harxhi.

Drejtuesja e ?Albanian Policy Center? shtoi më tej se faji për gjendjen demokratike në vend e kanë elitat politike por këto elita kanë dalë pikërisht nga populli ndërsa shtoi se elitat intelektuale nuk kanë qenë pjesë e zhvillimeve politike në vend.

?Populli është i vetë tradhtuar, po të shihni historinë e Shqipërisë prej 1912 deri në 1940 mund të kemi pasur 20 qeveri më pas kemi kaluar tek Zogu, më pas kemi kaluar tek Enver Hoxha, që ka qenë pjesë e këtij populli. Ajo elitë politike që u krijua nga 1941, ishte një klasë politike që erdhi pikërisht?, tha ajo.

Edith Harxhi përveç klasës politike, cilësoi të korruptuar edhe shoqërinë civile duke thënë se organizatat e para pas rrëzimit të sistemit totalitar u krijuan nga familjarë të drejtuesve të komunizmit.

?Shoqëria civile është po aq e korruptuar po sa partitë politike. Shoqëria civile që në vitet 1990 u krijua në mënyrë të deformuar. Kosova ka një shoqëri civile shumë më të konsoliduara se sa Shqipëria. Pjesa e madhe e OJF të krijuar në fillim të 1990-91 kanë qenë fëmijë, nipër apo mbesa të ish-anëtarëve të komitetit qendror, ata njerëz që kanë pasur më tepër afërsi me Perëndimin atë kohë?, përfundoi znj. Harxhi./euronews





Lajmet e fundit nga