Një votë kundër Niko Peleshit/ Pse duhet votuar Andrea Mano

6 Prill 2021, 19:52, Politikë CNA

Zgjedhjet në qarkun e Korçës kanë përballë disa lista, ku më sinjifikativja prej vitesh ngelet përballja e dy ish shokëve dhe miqve që janë në listat e PS dhe PD.

Niko Peleshi përballet me Andrea Manon, të dy drejtues lokal të partive të tyre, por Mano kandidon më i pasigur se Peleshi.

Shoku i tij, ish demokrat i konvertuar në Rilindas, është i gjashti i socialistëve, ndërsa Mano i shtati dhe kërkon të përmbysë listën, ku sipër tij qëndrojnë 3 përfaqësues nga zonat rurale, nga të cilët dy jetojnë në Tiranë, si Edomond Spaho, Ervin Salianji dhe Bledion Nallbati, emrat e tjerë përpara tij janë edhe dy zonja dhe një kandidat për Bashkinë e Pogradecit.

E ndërsa Niko Peleshi është drejtues politik i qarkut, Andrea Mano ka drejtues politik de jure Edmond Spahon, ndërsa de fakto është Ervin Salianji, i njohur për çështjen ?Babale? ose siç e thërrasin në Korçë ?Babalja i Lozhanit?.

Mano duket në një përplasje të ashpër me mikun e tij Babale, që po kontrollon fushatën elektorale të Korçës dhe me çdo kusht kërkon të jetë sipër në vota, mbi mesataren e çdo kandidati në qark, por nga frika se kolegu i tij mund ta ?thyejë? listën, e ka çuar Andrean (Aldon siç e njohin në Korçë) në izolim politik.

Pikërisht ky izolim që vjen nga babalja i politikës dhe vendosja turpësisht i Manos në vendin e 7 në listë, kur prej 8 vitesh drejton degën lokale, duhet të jenë leksion për demokratët, të cilët duhet t?ja kthejnë këtë veprim si një shuplakë politikës në qendër, qoftë edhe Lulzim Bashës personalisht.

Korça nuk mund të përfaqësohet nga Babalet e Lozhanit, nga skandalozët e mesazheve erotike në Parlament, nga plehu i G.D e kështu me rradhë.

Demokratët korçarë kanë në dorë të bëjnë diferencën të votojnë për të thyer listën, për të votuar Andrea Manon. CNA.al ka qenë kritike me këtë emër dhe katapultimin e tij, por kontributet në 8 vite në degën lokale vlejnë më shumë se shumë babale apo kerminjtë e politikës që vijnë nga Tirana, marrin mandatet në Korçë dhe pasurohen me votat e korçarëve.

E në rast se për demokratët është koha për të votuar kundër Niko Peleshit, pikërisht pas vizitës së fundit të Ramës në Korçë, ku kryeministri po reklamon mikun e tij Edmond Spaho dhe babale Salianjin, duhet të votojnë për Andrea Manon.

Jo sepse shkruajmë ne, por si votë kundër Niko Peleshit, kundër Edi Ramës dhe kundër babales dhe kërminjve që PD-në e duan për mandate e pasuri, ndërsa Mano pranoi të qëndronte në betejë edhe si pjesë e listë shumhumbëse, aty ku Spaho e Salianji nuk do pranonin kurrë.

Koha që demokratët e qytetarët e korçës të votojnë kundër ardhacakëve, hajdutëve dhe hipokrizisë politike, por ta ndryshojnë me votë çdo komandë që vjen nga qendra por edhe kundërshtari politik./CNA.al